دۇيسەنبى, 21 قازان 2019
كورشىنىڭ كولەڭكەسى 3697 12 پىكىر 18 ماۋسىم, 2019 ساعات 13:39

قىتايدان تاعى نەسيە الماقپىز

قازاقستان پرەزيدەنتى قاسىم-جومارت توقاەۆ قىتايدان جەڭىلدەتىلگەن نەسيە الۋ تۋرالى  كەلىسىمدى ماقۇلدادى. ەندى قازاقستان قىتايعا 20 جىل نەسيە تولەيتىن بولادى.

بۇل قۇجاتقا العاش بەيجىڭدە وتكەن كەزدەسۋ بارىسىندا  ەكس-پرەزيدەنت ن.نازارباەۆ  قول قويعان. 2018 جىلدىڭ 7-ماۋسىم كۇنى وتكەن كەزدەسۋدە قوس تاراپ  ساۋدا-ساتتىق، ينۆەستيتسيا مەن يندۋستراليزاتسيا، اۋىل شارۋاشىلىعى مەن كولىك-ءترانزيتى سەكىلدى سالالاردى تالقىلاعان.

ايتا كەتەيىك، نەگىزدەمەلىك كەلىسىمگە سايكەس، قازاقستان قىتايدان 2 ملرد يۋان، ياعني، 112,6 ملرد. تەڭگە  مولشەرىندە جەڭىلدەتىلگەن نەسيە الادى.

قارجى مينيسترلىگىنىڭ مالىمەتىنە سايكەس، نەسيە تەڭگەمەن بەرىلۋى ءتيىس. بىراق يۋانمەن ەسەپتەلىپ، 20 جىلعا 2% ۇستەمەمەن بەرىلەدى.

-ءبىز العاشقى بەس جىلدا تەك پايىزدىق مولشەرلەمەنى تولەيمىز. ال، قارىزدىڭ نەگىزگى سوماسىن  التىنشى جىلدان باستاپ، سوڭعى 20 جىلعا دەيىن وتەيتىن بولامىز، - دەدى قارجى ءمينيسترى.

ەسكە سالا كەتەيىك، بۇل قارىز ەەو-نىڭ سىرتقى شەكاراسىنداعى قازاقستاندىق ۋچاسكەدە وتكىزۋ پۋنكتتەرىنىڭ كەدەندىك ينفراقۇرىلىمىن جاقسارتۋ ماقساتىندا الىنعان.

Abai.kz

12 پىكىر