بەيسەنبى, 28 ناۋرىز 2024
3330 0 پىكىر 28 ماۋسىم, 2019 ساعات 11:14

«رامىزدەرىم – تاۋەلسىزدىك بويتۇمارىم!»

مەملەكەتتىك  رامىزدەر - ۇلت تاۋەلسىزدىگىن ايقىنداپ قانا قويماي، ەلىمىزدەگى ازاماتتاردىڭ مەملەكەت تاۋەلسىزدىگى مەن ونىڭ رامىزدەرىن سونداي-اق، رۋحاني قۇندىلىقتارىن قۇرمەتتەۋگە ازاماتتىق پارىزى رەتىندە ۇندەيدى.

جاس ۇرپاققا پاتريوتتىق تاربيە بەرۋدە مەملەكەتتىك رامىزدەردىڭ الاتىن ورنى ەرەكشە ەكەندىگى امبەگە ايان. قازاقستان رەسپۋبليكاسىنىڭ تۇڭعىش پرەزيدەنتى  نۇرسۇلتان نازارباەۆتىڭ تىلىمەن ايتقاندا: «مەملەكەتتىك رامىزدەر – ءبىزدىڭ ەلىمىزدىڭ، تاۋەلسىزدىگىمىزدىڭ بولىنبەيتىن ءبىر بولىگى. ولار تاۋەلسىزدىكتىڭ قاسيەتتى بىرىكتىرۋشى وبرازىن بەينەلەيدى».

4- ماۋسىم قازاقستان رەسپۋبليكاسىنىڭ رامىزدەرى كۇنىنە وراي قالامىزدا «ادىرنا» ۇلتتىق ەتنوگرافيالىق بىرلەستىگىنىڭ تىكەلەي ۇيىمداستىرۋىمەن  الماتى قالاسى قوعامدىق دامۋ باسقارماسىمەن  بىرلەسە وتىرىپ جاساعان  قر  ىشكى ىستەر مينيسترلىگىنىڭ م.ەسبولاتوۆ اتىنداعى الماتى اكادەمياسىنىڭ 250گە جۋىق كۋرسانتارىنىڭ قاتىسۋىمەن «مەنىڭ رامىزدەرىم» دەگەن اتاۋمەن   فلەشموب بولىپ ءوتتى.

فلەشموب-اكتسيا  قوعامدىق قوردىڭ بەكىتىلگەن جىلدىق  جوسپارىنداعى سوڭعى ءىس-شارا بولىپ تابىلۋىنا قاراماستان ارۋ قالا الماتى باۋرايىنداعى تۇڭعىش پرەزيدەنت ساياباعى، اربات، رەسپۋبليكا سارايىنىڭ الاڭى، اباي الاڭى،

ا.بايتۇرسىنوۆ اتىنداعى مۇراجايدا بولىپ ءوتتى.

اتالمىش ءىس-شارا بارىسىندا قاتىسۋشى كۋرسانتتاردىڭ بەلگىلەنگەن ءبىر توبى ۇستەرىنە كيگەن سالتاناتتى فورما، كاسىبي بي-ءجۇرىسى كورەرمەن ساناتىنداعى ءجاسوسپىرىم مەن جاستاردىڭ وتانعا، وتاندى قورعاۋعا دەگەن پاتريوتتىق سەزىمىن وياتسا،   مەملەكەتتىك رامىزدەر بەينەلەنگەن فۋتبولكا، بەيسبولكا كيگەن كەلەسى توپتاعى كۋرسانتتار ءبىر مەزەتتە كوزتارتار قيمىل-ارەكەتتەرىمەن قولدارىنداعى كوك بايراعىن كوك توسىندە جەلبىرەتكەندە، جالپى كورەرمەننىڭ جانىن تەبىرەنتىپ،  ەلگە، تۋعان جەرگە دەگەن سۇيىسپەنشىلىگىن ارتتىرىپ، رۋحىن اسقاقتاتتى.

وسكەلەڭ  ۇرپاققا ونەگە بولارلىق مەرەكەلىك ءىس-شارانىڭ  جوعارى دەڭگەيدە وتكەنىنىڭ اسەرى بولار كورەرمەندەر كوپكە دەيىن قول سوعىپ،  قاتىسۋشى كۋرسانتتاردىڭ ءوزى كوپكە دەيىن قايتۋعا اسىققان جوق.

«جاستار جىلى» اياسىندا وسىنداي تاربيەلىك ءمانى بار ءىس-شارالاردىڭ ۇدايى ءوتىپ تۇرۋى زايىرلى ەل وركەنيەتىنىڭ دامۋىنا مول سەپتىگىن تيگىزەرى حاق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516