جۇما, 29 ناۋرىز 2024
46 - ءسوز 3107 0 پىكىر 2 شىلدە, 2019 ساعات 10:43

"قۇلدىق سانامدى كۇندە تامشىلاپ سىعىپ ءجۇرمىن"

ماعان رۋحاني اۆتوريتەت گەرولد كارلۇلى ءبىر كۇنى:
- قۇلدىق سانامدى كۇندە تامشىلاپ سىعىپ ءجۇرمىن - دەپ، قويىپ قالماسى بار ما.

ارىق سويلەۋدىڭ دە رەتى بار عوي دەگەنمىن سوندا. سەبەبى ول ۋاقتا - كەزىندە پارتيانىڭ ناعىز ميشايقاۋ قىزمەتىندە بولعانداردىڭ ءوزى كولدەي ماقالالارىندا الدەقاشان ازات ەكەنىن مەڭزەپ، اقىر اياعى باسقالاردى قۇلدىق سانادان شىقپادى دەپ ايىپتاپ جاتقان. ونىڭ قاسىندا گەرولد كارلۇلى جۇيەدەن ابدەن تاياق جەگەن ادامنىڭ بالاسى عوي. ءسىز الىمساقتان ازات بولارسىز، ال مىنا ءسوزىڭىز - قاراپايىم ادام رەنومەسىن نىعايتا ءتۇسۋ ءۇشىن شىعار دەپ ويلادىم. قاريالىق ەركەلىك دەپ. كۇپىرلىك ەكەن.

سەبەبى قۇلدىڭ «ازاتپىن!» دەپ ايقايلاۋى بىردەن ەركىن ادامعا اينالۋىنا ءتىپتى جەتپەيدى ەكەن. قۇلدىق سانا - ول جىلدار بويى رەفلەكس دەڭگەيىندە ءسىڭىپ دەرت.

مىسالسىز بولماسىن. وسى فەيسبۋكتە كورىنىستەرى جىرتىلىپ-ايىرىلادى. كەڭ تاراعانى - ينۆەرسيا ءپرينتسيپى.
ايتالىق، «قولداماساڭ - جاۋسىڭ» ءپرينتسيپى. ۇلتشىلدار مەن نامىسقويلاردىڭ ات قىلىپ مىنگەن ءپرينتسيپى. ەرىكتى ادام باسقانىڭ قولداۋ-قولداماۋىنان دا ەركىن بولۋى كەرەك قوي.

«ءبىز جانە بيلىك» گراداتسياسى. سولشىلداردىڭ سۇيىكتى ۇستانىمى. بولشەۆيزمنىڭ سالقىنى. بولشەۆيكتەر كەزىندە سايكەسىنشە - بولشينستۆو بولۋ ءۇشىن بيلىك ۇعىمىن ابستراكتسيالاپ بولگەن عوي. سول جامانداعان بيلىك ءبىر كۇنى ءوزى بولىپ شىعا كەلگەندە، ءبارى دە كەش بولعان. ەندىگارى تاعى دا جاڭا كوزقاراس ءۇشىن ابدەن اشىققان تامبوۆ مۇجىعى ايىرعا تۇيرەيتىندەي كورىنگەن. سوندىقتان، جەڭىس ءۇشىن جازىلا سالعان ارزانقول ۋاقىتشا ريتوريكا ءارى قاراي قالىپ قويعان. ەندى «حالىق پەن بيلىك» ۇعىمىنان ەشكىمنىڭ ايرىلعىسى جوق.

رەنەگاتتىق. جەم جەگەن استاۋدى تانىماي كەتۋ. كەشە قىزمەتتە بولدىڭ - قاراڭ كورىنبەدى. بۇگىن قىزمەتتەن قۋىلدىڭ، ەندى كەلىپ سارنايسىڭ. بۇلاردى «تىزگىن وزىڭدە دە بولدى عوي؟» دەپ توقتاتۋعا بولادى. بىراق توقتاۋعا ورەسى جەتە بەرمەيدى.

مەملەكەتتىڭ تەك ۆەرتيكال ۇيىمداسۋىن عانا بىلەتىندەر. ولار ەلدى باستىق پەن باعىنىشتى نەگىزىندە عانا ۇستاۋعا بولادى دەپ ويلايدى. اركىم اقىعا جاسايمىن دەپ العان جۇمىسىن ءبىتىرىپ، ەشكىمگە باعىنباي، ەشكىمگە باستىق بولماي ءومىر ءسۇرۋ مودەلىنىڭ بارى قاپەرىنە دە كىرمەيدى. نارىقتى تەك تۇسىندە كورگەن كەرتارتپالار.

مۇنداي مىسالدار كوپ. توقەتەرى، قۇلدىق سانا تۋرالى بىرەۋگە بىردەڭە ايتاتىن بەت جوق. بەلگەرگە قاراعاندا الدەقايدا ازات بولۋى ءتيىس ءوزىم ءالى تامشىلاپ سىعىپ ءجۇرمىن. باسقالار سىقپاسا دا جاڭبىرلاتىپ ءجۇر.

جاستار جاساسىن.

مورال: تەمەكى تارتپاڭدار.

ەرلان وسپاننىڭ facebook پاراقشاسىنان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610