وسىناۋ كەرەمەت اتاۋمەن ورال قالاسىندا وبلىستىق پاتريوتتىق ءان ارت-فەستيۆالى ءوتىپ،  ءانى مەن اۋەنى، جىرى مەن تەرمەسى ۇيلەسكەن پوليتسەيلەر ساحنانى ونەرمەن كوركەمدەدى.         

پاتريوتتىق ءان ارت-فەستيۆالى جاستار جىلىن وتكىزۋ ءىس-شارالار جوسپارىن ىسكە اسىرۋ شەڭبەرىندە، ىشكى ىستەر ورگاندارى قىزمەتكەرلەرىنىڭ مادەني جانە پاتريوتتىق تاربيەسىن جوعارىلاتۋعا، ولاردى ۇلتتىق جانە الەم مادەنيەتى مەن ونەرىنە باۋلۋ، ۇجىمداردا مورالدىق-پسيحولوگيالىق احۋالدى جاقسارتۋ، سونداي-اق، قازاقستان پوليتسياسىنىڭ وڭ ءيميدجىن نىعايتۋعا باعىتتالعان.

بۇل اتاۋلى شارا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ ءىس-شارالار جوسپارىن ىسكە اسىرۋ ماقساتىندا  ۇيىمداستىرىلعان ەدى.

بايقاۋعا بقو پوليتسيا دەپارتامەنتى، ورال قالالىق پوليتسيا باسقارماسى، اۋداندىق پوليتسيا بولىمدەرى، توتەنشە جاعدايلار دەپارتامەنتى، مەملەكەتتىك كۇزەت قىزمەتى باسقارماسىنىڭ قىزمەتكەرلەرى قاتىسىپ، ءوز ونەرلەرىن ورتاعا سالعان ەدى. پوليتسيا قىزمەتكەرلەرى ءان ايتىپ، تەرمە ورىنداپ ساحنانى كوركەمدەدى.

ونەرپازداردىڭ ونەرىن باعالاۋ ءۇشىن القالى جيىنعا قازىلىق ەتكەندەردىڭ قاتارىندا بقو پوليتسيا دەپارتامەنتى كادر ساياساتى باسقاراماسىنىڭ باستىعى پوليتسيا پودپولكوۆنيگى قادەركەەۆ رۋسلان كەڭەسۇلى; قازاقستان كومپوزيتورلار وداعىنىڭ مۇشەسى، «ەرەن ەڭبەگى ءۇشىن» مەدالىنىڭ يەگەرى، ع.قۇرمانعاليەۆ اتىنداعى فيلارمونيا ءانشىسى – جاسكەلەڭ عايساعاليەۆ; ع.قۇرمانعاليەۆ اتىنداعى فيلارمونيا ءانشىسى احمەتوۆا اقمارال اليقىزى; جاستار مادەنيەت ءۇيى ديرەكتورى، «ۇزدىك قىزمەتكەر مەدالىنىڭ» يەگەرى قايرليەۆ سەرىك ەربولاتۇلى; وبلىستىق جاستار شىعارماشىلىق ورتالىعىنىڭ رەجيسسەرى اۋباكيروۆا ريمما امانجولقىزى بولدى.

كونكۋرس ۆوكال نوميناتسياسى بويىنشا وتكىزىلدى. سوندىقتان  جەكە ورىنداۋعا، دۋەت، تريو، كۆارتەت رەتىندە ونەرلەرىن ۇسىنعان ءار سايىسكەرلەردىڭ ونەرىن ادىلقازى القاسى ۆوكالدىق مالىمەتتەر، رەپەرتۋاردىڭ كوركەمدىك قۇندىلىعى، كۇردەلىلىگىنىڭ دەڭگەيى، ورىنداۋ شەبەرلىگى، كوستيۋم كيۋ ۇلگىسى بويىنشا باعالاپ وتىردى. سونداي-اق، كونكۋرستىق باعدارلامالاردىڭ تاقىرىپتىق باعىتى پاتريوتتىق سيپاتتاماعا، قازاق جانە شەتەل كومپوزيتورلارىنىڭ اندەرىن ورىنداۋعا، قازاقستان حالقىنىڭ جالپىۇلتتىق كەلىسىم باسىمدىقتارىنا سايكەس بولۋى ءجىتى باقىلاندى.

ءار سالانىڭ مايتالمان ماماندارى باس قوسىپ، ساحنانى جىرعا بولەپ، انمەن تەربەدى.  بقو پد تەرەكتى اۋدانىنىڭ پوليتسيا ءبولىمى كەڭسەسىنىڭ جەتەكشى مامانى اسەمنۇر ساعيدوللا  «تۋعان جەر» ءانىن ورىنداسا، بقو توتەنشە جاعدايلار دەپارتامەنتى «ءورت ءسوندىرۋ جانە ارنايى جاساق قىزمەتى» مەملەكەتتىك مەكەمەسى №1 مەملەكەتتىك ءورت ءسوندىرۋ ءبولىمىنىڭ ءورت ءسوندىرۋشىسى ازاماتتىق قورعاۋ كىشى سەرجانتى الىشەر قۇتتىعاليدىڭ «كوك تۋدىڭ جەلبىرەگەنى»، بقو پد كازتالوۆ اۋداندىق پوليتسيا ءبولىمى اكىمشىلىك پوليتسيا  بولىمشەسىنىڭ ينسپەكتورى پوليتسيا اعا لەيتەنانتى جاقسىلىق گاينۋلليەۆ «قازاق پوليتسياسى» سەكىلدى سايىسكەرلەردىڭ ورىنداۋىنداعى اندەر تىڭداۋشىنى ءبىر ۇيىتىپ اكەتكەندەي بولدى. بۇل اتالعاندار ورىندالعان نومىرلەردىڭ بىرەگەيى عانا، ايتا بەرسەك، كوپ ارينە. كەيبىرەۋى ءان ءۇشىن جاراتىلعانداي وبرازدى سومدادى. تەرمە دە جىرلاندى. قازاقتىڭ كۇمبىرلەگەن قارا دومبىراسى ساحنانى ودان ءارى ايشىقتاي ءتۇستى.

بايقاۋدىڭ ەكىنشى جارتىسىندا سايىس قورىتىندىسى بەلگىلى بولىپ، ءجىڭىمپازدار ماراپاتتالدى.  اتالعان ونەر دوداسىنا 12 ۇمىتكەر قاتىسىپ، باق سىناسقان ەدى. سالتاناتتى بولىمدە باتىس قازاقستان وبلىسى پوليتسيا دەپارتامەنتى كادر ساياساتى باسقاراماسىنىڭ باستىعى پوليتسيا پودپولكوۆنيگى قادەركەەۆ رۋسلان كەڭەسۇلى قۇتتىقتاۋ ءسوز سويلەپ: «مۇنداي ءىس-شارالاردىڭ وتكىزىلۋى وتە ورىندى. وسىنداي سايىستاردىڭ ۇيىمداستىرىلۋى ەلىمىزدىڭ ازاماتتارىنىڭ ۇلتتىق سەزىمدەرىن وياتۋعا، ەلىنە، جەرىنە دەگەن سۇيىسپەنشىلىكتەرىن ارتتىرۋعا كوپ مۇمكىندىك بەرەدى. «تالانتتى ادام، ول قاي كەزدە دە تالانتتى»، قيىن دا قاۋىپتى قىزمەتىمەن قاتار، ءتارتىپ ساقشىلارىنىڭ ءوز ونەرلەرىن كورسەتە ءبىلۋى ۇلكەن جەتىستىك»، - دەپ اتالعان ءىس-شارانى ۇيىمداستىرۋعا ات سالىسقان، قاتىسقان بارلىق ءتارتىپ ساقشىلارىنا العىسىن ءبىلدىردى. سونداي-اق، ونەرىمەن ەرەكشەلەنىپ، كوزگە تۇسكەن ساقشىلار العىس حاتپەن ماراپاتتادى.

بايقاۋ قورىتىندىسى بويىنشا جۇلدەگەرلەر تومەندەگىدەي انىقتالدى:

3 ورىن – جەەنباەۆا سيۋزانا (ورال ق. پب شاعان پب)

2 ورىن – حاميت باتىرحان  (بقو مكقب)

1 ورىن – بقو پد ۆاكالدى-ينسترۋمەنتالدى ءانسامبلى (جولباەۆ                       پاراسات، قۇلماشەۆ ەدىگە، ەرمەكوۆ جاقسىلىق، باكتۋباەۆ مەيرامبەك)

بۇل ءان سايىسىنىڭ ىرىكتەۋ ءبولىمى، ودان ءارى جالعاسى قىركۇيەك ايىندا قىزىلوردا قالاسىندا قر ىشكى ىستەر مينيسترلىگىنىڭ قولداۋىمەن وتەتىن وڭىرلىك سايىستا جالعاساتىن تابادى.

اسىلاي گۋباشەۆا
بقو پد ءباسپاسوز قىزمەتكەرى

Abai.kz