جۇما, 29 ناۋرىز 2024
ايماق 4566 2 پىكىر 9 تامىز, 2019 ساعات 14:47

اسقار مامين قىرعىزستاندا ەۋرازيالىق ۇكىمەتارالىق كەڭەس وتىرىسىنا قاتىستى

قر پرەمەر-ءمينيسترى اسقار مامين شولپان-اتا قالاسىندا ەۋرازيالىق ۇكىمەتارالىق كەڭەس وتىرىسىنا قاتىستى.

ەاۇك وتىرىسىنا رەسەي فەدەراتسياسىنىڭ پرەمەر-ءمينيسترى د. مەدۆەدەۆ، بەلارۋس پرەمەر-ءمينيسترى س. رۋماس، ارمەنيا پرەمەر-ءمينيسترى ن. پاشينيان، قىرعىزستان پرەمەر-ءمينيسترى م. ابىلگازيەۆ جانە ەۋرازيالىق ەكونوميكالىق كوميسسيا القاسىنىڭ توراعاسى ت. ساركيسيان قاتىستى.

ءىس-شارا باستالماستان بۇرىن ەلدەردىڭ دەلەگاتسيالارىنىڭ باسشىلارى قىرعىزستان پرەزيدەنتى س. جەەنبەكوۆپەن كەزدەستى.

ەاۇك وتىرىسىنىڭ قاتىسۋشىلارى ينتەگراتسيالىق ۇدەرىستەردى ودان ءارى دامىتۋ، ساۋدا-ەكونوميكالىق ىنتىماقتاستىقتى كەڭەيتۋ، ەاەو ىشكى نارىعىنداعى كەدەرگىلەردى جويۋ بويىنشا كۇن ءتارتىبىنىڭ 15 ماسەلەسىن قارادى. تاراپتار قر تۇڭعىش پرەزيدەنتى – ەلباسى ن. ءا. نازارباەۆ باستاماشى بولعان ەۋرازيالىق ينتەگراتسيا يدەياسىنىڭ 25 جىلدىعى مەن ەۋرازيالىق ەكونوميكالىق وداق قۇرۋ تۋرالى شارتقا قول قويىلعانىنا 5 جىل تولۋىن اتاپ ءوتتى.

ۇكىمەتتەردىڭ باسشىلارى الكوگول، قارجى نارىعىن رەتتەۋ، ەاەو اياسىندا كەدەندىك اكەلىم باجىن ءبولۋ ماسەلەلەرى بويىنشا پىكىر الماستى.

ترانسشەكارالىق اقپاراتتىق ءوزارا ءىس-قيمىلدىڭ، ونەركاسىپتىك كووپەراتسيانى دامىتۋدىڭ، وداق ەلدەرىنىڭ اگروونەركاسىپتىك كەشەنىنىڭ تۇجىرىمدامالىق ماسەلەلەرى، سونداي-اق، كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ ىنتىماقتاستىعى ماسەلەلەرى تالقىلاندى.

«قازىرگى ۋاقىتتا ەاەو تۋرالى شارتتىڭ ەرەجەلەرىن ىنتىماقتاستىقتىڭ وزەكتى ماسەلەلەرى بويىنشا ىسكە اسىرۋ، 2025 جىلعا دەيىن ەۋرازيالىق ەكونوميكالىق ينتەگراتسيانى دامىتۋدىڭ ستراتەگيالىق باعىتتارىنىڭ جوبالارىن ازىرلەۋ بويىنشا جۇمىستار جالعاسىپ جاتىر», — دەدى ا. مامين.

قر پرەمەر-ءمينيسترىنىڭ ايتۋىنشا، الەمدىك ەكونوميكاداعى قازىرگى جاعدايدى ەسكەرە وتىرىپ، ەاەو ەلدەرىنىڭ ەكونوميكالارىنىڭ وسىمىنە وڭ اسەر بەرۋ ءۇشىن ونەركاسىپتىك كووپەراتسيانى دامىتۋعا ەرەكشە كوڭىل ءبولۋ قاجەت. بۇل باعىت ەاەو-نىڭ ورتاق كۇن تارتىبىندە باستى ەكونوميكالىق مىندەتتەردىڭ بىرىنە اينالۋى ءتيىس.

كاسىپكەرلىكتى دامىتۋ، حالىقتى جۇمىسپەن قامتۋ جانە ەكونوميكالىق ءوسۋدىڭ ءتيىمدى قۇرالدارىنىڭ ءبىرى «قاراپايىم زاتتار ەكونوميكاسىن» دامىتۋدىڭ بىرلەسكەن باعدارلاماسى بولۋى مۇمكىن.

«بۇل سەكتور جالپى ءونىمنىڭ ءجىو-ءنىڭ 1,5% دەيىن وسۋىنە مۇمكىندىك بەرە الادى»، — دەپ ا. مامين، وداق ەلدەرى بويىنشا سالالىق كاسىپورىنداردى ءبولۋدىڭ تسيفرلىق كارتاسىن ازىرلەۋدى ۇسىندى.

سونىمەن قاتار، ەلەكتروندى ساۋدا پلاتفورمالارىن دامىتۋدىڭ قاجەتتىگى اتالىپ ءوتتى. اتالعان پەرسپەكتيۆالى الەمدىك ترەندتى پايدالانۋ ءوزارا ساۋدانىڭ وسۋىنە ىقپال ەتىپ، ءۇشىنشى ەلدەردىڭ نارىقتارىنا تاۋارلار ەكسپورتىن ىنتالاندىرۋعا جول اشادى.

قر پرەمەر-ءمينيسترى ەاەو-نىڭ حالىقارالىق كولىك جەلىسىنە ينتەگراتسيالانۋ بويىنشا جوعارى الەۋەتىن اتاپ ءوتتى. وداق ەلدەرىنىڭ اۋماعى ارقىلى ترانزيت كەزىندە كەدەندىك راسىمدەردى جەڭىلدەتۋ شارالارىمەن قاتار، قازىرگى ۋاقىتتا ازىرلەنىپ جاتقان ەاەو بىرىڭعاي ترانزيتتىك جۇيەسى ءتيىمدى قۇرال بولۋى كەرەك.

قر ۇكىمەتى باسشىسىنىڭ ايتۋىنشا، قارجى نارىقتارى، قارجى قىزمەتتەرىن تۇتىنۋشىلار مەن ينۆەستورلاردىڭ قۇقىقتارى مەن قىزىعۋشىلىقتارىن قورعاۋ، ساۋدا جانە ينۆەستيتسيالىق ءوزارا ءىس-قيمىل سالالارىندا ىنتىماقتاستىقتى دامىتۋ قاجەت.

وسىعان وراي استانا حالىقارالىق قارجى ورتالىعىنىڭ مۇمكىندىكتەرىن پايدالانۋ ۇسىنىلدى. احقو اياسىندا قارجى تەحنولوگيالارىنىڭ حابى قۇرىلدى، ول قارجىلىق تەحنولوگيالار نارىعىندا بارلىق وڭىرلىك قاتىسۋشىلاردى بىرىكتىرۋ ءۇشىن جوعارى ساپالى ينفراقۇرىلىمنىڭ قۇرىلۋىن قامتاماسىز ەتەدى. حاب قارجىلىق تەحنولوگيالار نارىعىنا جاڭا ونىمدەردى ەنگىزۋگە جانە ىنتالاندىرۋعا مۇمكىندىك بەرەدى.

وسى سالاداعى ىنتىماقتاستىقتى جانداندىرۋ ماقساتىندا ەەك پەن احقو اراسىنداعى ىنتىماقتاستىق تۋرالى مەموراندۋم اياسىندا ەۋرازيالىق ەكونوميكالىق كوميسسيا مەن استانا حالىقارالىق قارجى ورتالىعى اراسىنداعى 2019–2021 جىلدارعا ارنالعان بىرلەسكەن ءىس-شارالار جوسپارىنا قول قويىلدى.

وتىرىستىڭ قورىتىندىسى بويىنشا 12 قۇجاتقا قول قويىلدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577