جۇما, 29 ناۋرىز 2024
تاعايىنداۋ 3733 7 پىكىر 21 تامىز, 2019 ساعات 10:42

ەڭبەك جانە حالىقتى الەۋمەتتىك قورعاۋ مينيسترلىگىنە جاڭا باسشى كەلدى

مەملەكەت باسشىسى قاسىم-جومارت توقاەۆ ءبىرجان نۇرىمبەتوۆتى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە تاعايىندادى. بۇل تۋرالى اقوردانىڭ رەسمي سايتى حابارلادى.

ء"بىرجان بيدايبەكۇلى نۇرىمبەتوۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالسىن", - دەپ جازىلعان پرەزيدەنت جارلىعىندا.

بۇعان دەيىن وسى قىزمەتتى اتقارعان بەردىبەك ساپارباەۆ قر پرەمەر-ءمينيسترىنىڭ ورىنباسارى قىزمەتىنە تاعايىندالعان بولاتىن. ال ۇكىمەت باسشىسىنىڭ ورىنباسارى قىزمەتىن اتقارعان گۇلشارا ابدىقالىقوۆا ماجىلىس دەپۋتاتى بولدى.

ءبىرجان بيدايبەكۇلى نۇرىمبەتوۆ 1968 جىلى 19 ناۋرىزدا تۋعان.

ءال-فارابي اتىنداعى قازاق مەملەكەتتىك ۋنيۆەرسيتەتىن «مەحانيكا جانە قولدانبالى ماتەماتيكا» ماماندىعى بويىنشا جانە الماتى ەكونوميكا جانە ستاتيستيكا اكادەمياسىن «قارجى» ماماندىعى بويىنشا بىتىرگەن.

ەڭبەك جولى: 1993 – 1996 جىلدار ارالىعىندا – جامبىل قالاسى بويىنشا سالىق ينسپەكتسياسىنىڭ سالىق ينسپەكتورى، ءبولىم باستىعى;

1996 جىلى – جامبىل وبلىسى اكىمىنىڭ ءبىرىنشى ورىنباسارىنىڭ كەڭەسشىسى;

1997 جىلى – جامبىل وبلىسى اكىمى اپپاراتىنىڭ سەكتور مەڭگەرۋشىسى;

1997 – 2008 جىلدار ارالىعىندا – «زەينەتاقى تولەۋ مەملەكەتتىك ورتالىعى» رمكك جامبىل وبلىسى بويىنشا فيليالىنىڭ ديرەكتورى;

2008 – 2009 جىلدار ارالىعىندا – قر ەڭبەك جانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتىنىڭ توراعاسى;

2009 – 2012 جىلدار ارالىعىندا – قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى;

2012 – 2015 جىلدار ارالىعىندا – قر پرەمەر-ءمينيسترى كەڭسەسى باسشىسىنىڭ ورىنباسارى;

2015 – 01.2017 جىلدار ارالىعىندا – قر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى;

2017 – 12. 2017جىلى – قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى;

2017 جىلعى جەلتوقساننان – قر كاسىپوداقتار فەدەراتسياسى توراعاسىنىڭ ءبىرىنشى ورىنباسارى قىزمەتىن اتقاردى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558