ماسەلە يران عارىش اگەنتتىگى، عارىشتى زەرتتەۋ ورتالىعى جانە اەروناۆتيكا سالاسىن زەرتتەۋ ورتالىعى جايىندا.
اقش مەملەكەتتىك حاتشىسى مايك پومپەو يران عارىش اگەنتتىگىنىڭ بالليستيكالىق زىمىرانداردى دامىتۋدا تىكەلەي قاتىسى بار دەدى.
قۇراما شتاتتار يران عارىش باعدارلاماسىمەن جاسىرىپ، اقش-قا قاۋىپ توندىرەتىن يادرولىق قارۋلار جاساپ شىعارۋى مۇمكىن دەپ قاۋىپتەنەدى.
پومپەو بۇل سانكتسيا يرانمەن عارىش سالاسىندا بايلانىس ورناتقان حالىقارالىق عىلىمي قاۋىمداستىققا ەسكەرتۋ دەپ اتاپ ءوتتى.
وتكەن اپتادا يراننىڭ حومەيني اتىنداعى عارىش ايلاعىندا جارىلىس بولعانى عارىش ارقىلى ءتۇسىرىلدى. وندا "ناحيد-1" تەلەكوممۋنيكاتسيالىق كەمە ارقىلى زىمىران تاسىعىش ۇشىرۋعا دايىندالعان. اقش پرەزيدەنتى دونالد ترامپ تۆيتتەر پاراقشاسىنا جارىلىس بولدى دەگەن ورىننىڭ سۋرەتىن جاريالادى. ول بۇل جارىلىسقا قۇراما شتاتتاردىڭ ەش قاتىسى جوق ەكەنىن ايتقان.
يران قازىر عارىش جانە زىمىران باعدارلامالارىن جەدەل دامىتىپ جاتىر. اقش بيلىگى تەگەراننىڭ بۇل ارەكەتى بۇۇ قاۋىپسىزدىك كەڭەسىنىڭ بالليستيكالىق زىمىرانداردى جاساماۋ تۋرالى رەزوليۋتسياسىن بۇزىپ وتىر دەپ ەسەپتەيدى.
Abai.kz
