فيلولوگ بولىپ ىستەيتىن ءبىر قىزدان سۇمدىق نارسە ەستىدىم. باسىندا ءمان بەرگەن جوق ەدىم، قازاق ءتىلى مەن قازاق ادەبيەتىن قوسىپ تاستاعانىن ەستىگەندە، توبە شاشىم تىك تۇردى. ونىڭ ءوزىن ءجىپ-جىڭىشكە ءبىر كىتاپقا سىيعىزىپ جىبەرىپتى. وتباسى تۋرالى ءبىر ءماتىندى تالقىلاپتى دا، ونىڭ استىندا مۇحتار ومارحانۇلىنىڭ ءومىربايانى مەن «اباي جولىنا» شاعىن رەتسەنزيا بەرىپتى، ءبىتتى!

ءبىز ونى ءۇشىنشى كۋرستا وقىعانبىز. ۇلتقا جاساپ جاتقان قاستاندىق پا، نە بۇل؟ قازاق ءتىلى مەملەكەتتىك ءتىل سانالاتىن ەلدە ەكى ءپاندى – قازاق ءتىلى مەن قازاق ادەبيەتىن بولەك وقىتۋدى الىپ تاستاپ، نەگە ەكەۋىن قوسىپ، قىسقارتىپ تاستاعان؟! نە جىلارىمدى، نە كۇلەرىمدى بىلمەي وتىرمىن. مىناۋ ناعىز ۇلتقا قارسى جاسالىپ جاتقان جىمىسقى جۇمىس قوي! مينيسترلىكتەن وسىعان جاۋاپ بەرەتىن ءبىر ادام بار ما؟

تەكسەرىپ كوردىم، ورىس ءتىلى مەن ورىس ادەبيەتىن سول كۇيى بولەك-بولەك وقىتىپ جاتىر ەكەن...

جولىمبەت ماكىشتىڭ facebook پاراقشاسىنان

Abai.kz