قاسىم-جومارت توقاەۆ "Goldman Sachs" كومپانياسىنىڭ پرەزيدەنتى دەۆيد سولومونمەن كەزدەستى.

كەزدەسۋ بارىسىندا كومپانيانىڭ قازاقستانداعى قىزمەتىنىڭ نەگىزگى باعىتتارى، ونىڭ ىشىندە "استانا" حالىقارالىق قارجى ورتالىعىنىڭ شەڭبەرىندەگى ىنتىماقتاستىق ماسەلەسى تالقىلاندى.

مەملەكەت باسشىسى دەۆيد سولومونعا كومپانياسىنىڭ قازاقستانداعى جەكەشەلەندىرۋدىڭ كەشەندى جوسپارىن ىسكە اسىرۋعا قاتىسقانى، سونداي-اق، 2018 جىلى احقو بيرجاسى اكتسيونەرلەرىنىڭ قاتارىنا كىرگەنى ءۇشىن العىس ايتتى.

قاسىم-جومارت توقاەۆ "Goldman Sachs" كومپانياسىمەن ىنتىماقتاسا وتىرىپ قازاقستاندا جاڭا جوبالاردى ىسكە اسىرۋعا قىزىعۋشىلىق تانىتتى. اتاپ ايتقاندا، احقو-مەن ءوزارا ءىس-قيمىل اياسىن كەڭەيتۋ جانە قازاقستاندىق كومپانيالاردىڭ IPO-عا شىعۋىنا جاردەمدەسۋ ماسەلەلەرىندە تىعىز جۇمىس ىستەۋگە نيەت ءبىلدىردى.

Abai.kz