بايانداما اۆتورى كرەمل قولداعان «تروللدار فابريكاسى» پرەزيدەنتتىككە ۇمىتكەر دونالد ترامپتىڭ تانىمالدىلىعىن ارتتىرىپ، ونىڭ قارسىلاسى بولعان حيللاري كلينتوندى جاماناتتى ەتۋ ماقساتىندا قىزمەت ەتتى دەپ ەسەپتەيدى.
8 قازاندا جاريالانعان باياندامادا رەسەيدىڭ "ينتەرنەت زەرتتەۋلەر اگەنتتىگىنىڭ» جۇمىسى بۇگىنگى كۇنگە دەيىن جالعاسىپ جاتقان اقپاراتتىق سوعىستىڭ ءبىر بولىگى بولىپ وتىر. وندا جۇمىس ىستەگەندەر قۇراما شتاتتاردىڭ ساياسي جانە قوعامدىق ورتاسىندا جانجال تۋعىزىپ وتىرعان.
باس كەڭسەسى سانكت-پەتەربۋرگ قالاسىندا جايعاسقان جانە «تروللدار فابريكاسى» دەگەن اتاۋمەن بەلگىلى «ينتەرنەت زەرتتەۋلەر اگەنتتىگىنە» كرەملگە جاقىن كاسىپكەر ەۆگەني پريگوجين يەلىك ەتەدى. بۇل اگەنتتىك جونىندە رەسەيدىڭ اقش-تاعى پرەزيدەنتتىك سايلاۋعا قاتىسى بولۋى مۇمكىندىگىن زەرتتەگەن ارنايى پروكۋرور روبەرت ميۋللەردىڭ بايانداماسىندا بىرنەشە رەت كوتەرىلگەن.
ۆاشينگتون اقش-قا قارسى باعىتتالعان ارەكەتتەرى ءۇشىن "تروللدار فابريكاسىنا" قاتىسى بار بىرنەشە زاڭدىق جانە جەكە تۇلعالاردى، ونىڭ ىشىندە پريگوجينگە قارسى سانكتسيالار ەنگىزگەن.
Abai.kz
