اتالعان اشىلىم ورتا عاسىردا سولتۇستىك قازاقستاندا قالا مادەنيەتى بولعان دەگەن اكادەميك الكەي مارگۇلاننىڭ جورامالىن ناقتى دالەلدەپ وتىر.

بۇل  تۋرالى وبلىس اكىمى قۇمار اقساقالوۆ ءوز Instagram پاراقشاسىندا:

«ارحەولوگيا الەمىنەن بىزگە تاريحي جاڭالىق كەلىپ جەتتى. ۋاليحانوۆ اۋدانىنان ارحەولوگتار XIV عاسىرعا جاتاتىن 7 ماۆزولەي ورنىن تاپتى. عالىمداردىڭ ايتۋى بويىنشا التىن وردالىق بۇل قابىرستاندا جوشى الەۋلەتىنىڭ ۇرپاقتارى جەرلەنگەن ەكەن. سونىمەن بىرگە التىن اشەكەيلەر، شەبەرحانالار ورنى، ۇستالىق پەشتەر مەن كەراميكالىق ىدىستار ءام ارىق ىزدەرى تابىلىپ وتىر»، - دەپ جازدى.

م.قوزىباەۆ اتىنداعى سقمۋ جانە "Margulan centre" بىرلەسكەن ارحەولوگيالىق ەكسپەديتسياسى وسىلايشا ەلىمىزدىڭ ورتا عاسىرلىق تاريحىنا ەلەۋلى ۇلەس قوسا ءبىلدى.  ولاردىڭ ىشىندە ەسىمدەرى تمد مەن الەمگە ءماشھۇر ءۇرجار حانشايىمىن تاپقان تيمۋر سماگۋلوۆ پەن بوتاي مادەنيەتىن جاھانعا تانىتۋعا اتسالىسۋشى اناتولي پلەشاكوۆ سىندى ارحەولوگ عالىمدارىمىز بار.

ءيا، ايماق باسشىسى قۇمار اقساقالوۆ سوزىمەن ايتساق، التىن وردانىڭ  750-جىلدىق مەرەيتويى قارساڭىنداعى رۋحاني جانە مادەني ماڭىزى بار وقيعا. سولتۇستىك ايماقتارعا كوز الارتۋشى يمپەريالىق امبيتسياداعى تمد عالىمداردىڭ اۋزىنا ەندىگى جەردە توپىراق قۇيىلاتىن شىعار!؟

Abai.kz