بەيسەنبى, 21 قاراشا 2019
505 0 پىكىر 15 قازان, 2019 ساعات 11:37

اقش تۇركياعا سيريا ءۇشىن سانكتسيا ەنگىزدى

قۇراما شتاتتار تۇركياعا قارسى سيريانىڭ سولتۇستىگىنە اسكەري وپەراتسيا باستاعانى ءۇشىن سانكتسيا ەنگىزدى.

اقش مەملەكەتتىك حاتشىسى مايك پومپەونىڭ مالىمدەمەسىندە پرەزيدەنت دونالد ترامپتىڭ تۇركيانىڭ كەز كەلگەن مەملەكەتتىك مەكەمەلەرىنە جانە وپەراتسياعا قاتىسى بار جەكە تۇلعالارعا سانكتسيا سالۋ جونىندە بۇيرىققا قول قويعانى ايتىلادى.

سانكتسيا تىزىمىندە تۇركيانىڭ ەنەرگەتيكا جانە قورعانىس، ىشكى ىستەر مينيسترلىگى بار.

پومپەونىڭ مالىمدەمەسىندە تۇركيانىڭ كۇردتەرگە قارسى وپەراتسياسى ايماقتاعى بەيبىت تۇرعىندار ومىرىنەن قاۋىپ كەلتىرىپ جاتقانى ايتىلعان. سونىمەن بىرگە تۇركيادان شابۋىلدى تەز ارادا توقتاتۋدى تالاپ ەتەدى.

اقش پرەزيدەنتى تۆيتتەر پاراقشاسىنا سيريادان امەريكالىق اسكەردى تەز ارادا الىپ كەتۋ قاجەتتىگىن تاعى جازدى.

تۇركيا بولسا شەكاراسىن تەرروريستەردەن تازالاۋ ماقساتىندا اسكەري وپەراتسيا جاساپ جاتىرمىز دەيدى.

دۇيسەنبى كۇنى داماسكىدە سيريا ۇكىمەتى مەن كۇردتەر اراسىندا كەلىسسوز جۇرگەنى بەلگىلى بولدى. سيريا ۇكىمەتى ەلدىڭ سولتۇستىگىنە تۇرىك شابۋىلىنا قارسى تۇرۋ ءۇشىن اسكەرىن جىبەرۋگە بۇيرىق بەردى.

Abai.kz

0 پىكىر