بەيسەنبى, 28 ناۋرىز 2024
قوعام 6456 0 پىكىر 4 ماۋسىم, 2014 ساعات 10:14

تەمەكى: قازاقستان رەسەيگە ۇلگى بولدى

سۋرەت يليا ۆارلاموۆتىڭ فەيسبۋك پاراقشاسىنان الىندى.

قوعامدىق ورىنداردا تەمەكى تارتۋعا تىيىم سالاتىن زاڭ رەسەيدە ەندى عانا كۇشىنە ەنىپ جاتىر.

رف ءىىم 1 ماۋسىمنان باستاپ ەلدە 2013 جىلدىڭ 23 اقپانىنداعى «ازاماتتاردىڭ دەنساۋلىعىن قورشاعان تەمەكى تۇتىنىنەن جانە تەمەكىنى تۇتىنۋدىڭ زارداپتارىنان قورعاۋ تۋرالى» فەدەرالدى زاڭنىڭ بىرقاتار ەرەجەلەرى كۇشىنە ەنگەنىن حابارلادى. زاڭعا سايكەس، الىس جولعا شىعاتىن پويىزدار مەن الىسقا جۇزەتىن كەمەلەردە، تەمىرجول پلاتفورمالارىندا، قوناق ۇيلەر، دۇكەندەر مەن ساۋدا ورىندارىندا، ستاتسيونارلى ەمەس ساۋدا نىساندارىندا، قوعامدىق تاماقتاندىرۋ ورىندارىندا تەمەكى تارتۋعا تىيىم سالىنادى. اتالعان ورىنداردا تەمەكى شەككەنى ءۇشىن ازاماتتارعا 500-دەن 1,5 مىڭ رۋبلگە دەيىن، ال بالالار الاڭىندا بۇل ەرەجەنى بۇزعاندارعا 2-3 مىڭ رۋبلگە دەيىن  اكىمشىلىك ايىپپۇل سالىنادى. 

ال، قازاقستاندا مۇنداي زاڭ باياعىدا قولدانىسقا ەنىپ، قازىرگى كەزدە زاڭدا كورسەتىلمەگەن ورىندا شىلىم شەكسەڭىز، دەرەۋ ۇستاپ اكەتىپ، اكىمشىلىك جازاعا تارتىپ، ايىپپۇل سالادى. سەنبەسەڭىز، مىنە، دەرەك: استاندا جىل باسىنان بەرى قوعامدىق ورىنداردا تەمەكى شەگۋ ەرەجەلەرىن بۇزۋدىڭ 900 جاعدايى تىركەلگەن. كوردىڭىز بە، باسقا، باسقا ءدال وسى تەمەكى تارتقانداردى قۇرىقتاۋدا، شىلىمىن ەندى تۇتا بەرگەن جەرىندە باس سالىپ، ايىپپۇل سالۋ جاعىنان كەلگەندە بىزدە زاڭ قاتال! بىزدەگى تاپ وسى زاڭنىڭ قاتالدىعى رەسەيگە ۇلگى بولىپ، «باۋىرلاس» ەل قازاقستاننىڭ تاجىربيەسىن زاڭ جۇزىندە ەنگىزىپ جاتىر. ماقتاناتىن جاعداي!

بىراق، رەسەي ءبارىبىر بىزگە جەتە المايتىن سياقتى. تەمەكى تۋرالى زاڭ شىعارعان كرەملدەن 750 مەتر جەردەگى جاعداي جوعارىداعى سۋرەتتەگىدەي. ءبىزدىڭ قانشالىقتى شارىقتاپ، دامىپ كەتكەنىمىزدى وسىدان-اق بىلۋگە بولادى...

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528