ىشكى ىستەر مينيسترلىگى بوپسالاۋدىڭ الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ باعىتىنداعى جۇمىستاردى كۇشەيتىپ جاتىر.  

ۆەدومستۆونىڭ مالىمەتىنشە، جۇرگىزىلگەن جەدەل-پروفيلاكتيكالىق شارالاردىڭ ناتيجەسىندە ەلىمىزدە تىركەلگەن بوپسالاۋ فاكتىلەرىنىڭ سانى 15 پايىزعا تومەندەگەن.

سونىمەن قاتار مۇنداي قىلمىستاردىڭ اشىلۋ كورسەتكىشى ءىس جۇزىندە 100 پايىز دەڭگەيىندە ساقتالىپ وتىر.

ماسەلەن، اباي وبلىسىندا جەدەل ءىس-شارالار بارىسىندا وبلىس ورتالىعى تۇرعىندارىنان اقشا بوپسالاۋمەن اينالىسقان التى ادامنان تۇراتىن قىلمىستىق توپتىڭ ارەكەتىنە توسقاۋىل قويىلدى. بارلىق كۇدىكتى ۇستالىپ، ولاردىڭ زاڭسىز قىزمەتىن جالعاستىرۋىنا جول بەرىلمەدى.

پاۆلودار وبلىسىندا دا ستۋدەنتتەردەن اقشا بوپسالادى دەگەن كۇدىكپەن ەكى ادام قولعا ءتۇستى. پوليتسەيلەردىڭ جەدەل ارەكەتىنىڭ ارقاسىندا جابىرلەنۋشىلەرگە كورسەتىلگەن قىسىم توقتاتىلىپ، ولاردىڭ قاۋىپسىزدىگى قامتاماسىز ەتىلدى.

ال الماتى وبلىسىندا الەۋمەتتىك جەلىلەر ارقىلى جۇزەگە اسىرىلعان بوپسالاۋ سحەماسى اشكەرەلەندى. قىلمىسقا قاتىسى بار تۇلعالار انىقتالىپ، قاماۋعا الىندى.

Abai.kz