تاشكەنتتەگى تاۋەلسىز جۋرناليست ابدۋراحمان تاشانوۆتىڭ حابارلاۋىنشا، مۋرود جوراەۆ 4 جەلتوقسان كۇنى تۇسكى تاماقتان كەيىن، اياق استىنان قازا تاپقان.

سوڭعى ايدا مۋرود جوراەۆ اۋىر كەسەلىن ەمدەۋ ءۇشىن گەرمانياعا كەتۋگە دايىندالىپ جۇرگەن. جوراەۆ ەكى جىل بويى بيلىكتەن رۇقسات كۇتىپ جۇرگەن. ول تەك شەتەلگە شىعۋعا رۇقساتتى 7 قازاندا العان.

مۋرود جوراەۆ تاۋەلسىز وزبەكستان تاريحىندا تۇرمەدە ەڭ كوپ وتىرعان ازامات. ول ءومىرىنىڭ 20 جىلدان استامىن تەمىر توردا وتكىزدى. بوستاندىققا 2015 جىلدىڭ قاراشا ايىندا شىققان.

1995 جىلى وزبەكستاننىڭ جوعارعى سوتى مۋرود جوراەۆتى ەلدە توڭكەرىس ورناتپاق بولدى دەگەن ايىپپەن 12 جىلعا باس بوستاندىعىنان ايىرعان. جازا مەرزىمى اياقتالار ساتتە، ءتۇرلى سەبەپپەن مەرزىمىن ۇزارتىپ وتىرعان.

Abai.kz