بەيسەنبى, 18 قاڭتار 2018
ءدىن مەن ءتىن 4736 51 پىكىر 11 قاڭتار, 2018 ساعات 10:23

مەكتەپتىڭ اۋلاسىندا "قارا جامىلعان" قىزدار ناماز وقىدى

اقتوبە قالاسى 56 مەكتەپتىڭ اۋلاسىندا قارا جامىلعان قىزدار ناماز وقىدى، - دەپ حابارلايدى اباي-اقپارات بەلگىلى قوعام بەلسەندىسى ايگۇل ورىنبەكتىڭ Facebook-تەگى پاراقشاسىنا سىلتەمە جاساپ.

ايگۇل ورىنبەك بىلاي دەپ جازادى.

"ەلىمنىڭ بولاشاعى ءۇشىن الاڭدايمىن! مىناۋ نە ەندى؟ وسىنداي كوزبوياۋشىلىق كىمگە كەرەك؟ مەكتەپتىڭ الدىندا ناماز وقىپ، كىمگە نە دəلەلدەمەكشى؟ ەلىمىزدى سيرياعا اينالدىرماقشى ما؟ نەگە تىنىش جۇرمەيدى؟ قاي اتا-باباڭ قارا جامىلعان؟

مينيستر ەرمەكباەۆ مىرزا ەلىمىزدىڭ باتىس جاعىن شۇعىل قولعا الۋ كەرەك! مىنالار جاقسىلىققا الىپ بارمايدى!

دەپۋتاتتار مىنالارعا قارسى زاڭ قايدا؟

اقتوبە قالاسى، 56 مەكتەپتىڭ جانىندا تۇسىرىلگەن سۋرەت!".

ءتۇيىن

بۇل سۋرەتتەگى جاستار بىزگە نەنى ايتقىسى كەلەدى. بۇل ساياسي نارازىلىق ەمەس پە؟ ەلىمىزدە رۇقسات ەتىلمەگەن ساياسي اكتسيالارعا شەكتەۋ قويىلماۋشى ما ەدى. كەشە عانا ءدىني باسقارما مەكتەپتەگى قىزداردىڭ ورامال تاعۋىنا قاتىستى ءوز ۇستانىمىن مالىمدەگەن ەدى. قازاقستان مۇسىلماندارى ءدىني باسقارماسى ەلىمىزدەگى مۇسىلمان قىز-كەلىنشەكتەر مەن ايەلدەردى كيىم كيۋ ۇلگىسىندە قازاق حالقىنىڭ سالت-داستۇرلەرىن ساقتاي وتىرىپ، جيناقى كيىنۋگە كەڭەس بەرىپ، پارانجا (نيقاب) كيۋدىڭ سالتىمىزدا بولماعانىن ايتقان. مىنا سۋرەت سول مالىمدەمەنىڭ جاۋابى ەمەس پە؟

ءشارىپحان قايسار

Abai,kz

 

51 پىكىر