بۇل شەكتەۋلەر "قازاقستان اۋماعىنان مۇناي ونىمدەرىن شىعارۋ جونىندەگى" ەنەرگەتيكا، قارجى، ىشكى ىستەر مينيسترىكتەرى مەن ۇلتتىق قاۋىپسىزدىك كوميتەتىنىڭ ورتاق بۇيرىعىندا جازىلعان. قۇجات اقپاراتتىق-قۇقىقتىق "ادىلەت" سايتىندا جاريالاندى.

بۇل رەسەيلىك جانە باسقا شەتەلدىك جۇرگىزۋشىلەردىڭ كولىكتەرىنە جانارماي قۇيۋعا تىيىم سالىنادى دەگەندى بىلدىرمەيدى. بىراق ولارعا 20 ليتردەن ارتىق كانيسترگە بەنزين قۇيۋعا تىيىم سالىنادى.

بيىل جازدا شەكارالاس ەلدى-مەكەندە تۇراتىن رەسەيلىك جۇرگىزۋشىلەر قازاقستان اۋماعىنا كەلىپ، بەنزين تاسيتىنى انىقتالعان. سەبەبى، ەلدە وندىرىلەتىن بەنزين رەسەيدىكىنە قاراعاندا الدەقايدا ارزان بولىپ شىققان.

سول كەزدە ەنەرگەتيكا ءمينيسترى قانات بوزىمباەۆ ەلدە بەنزين باعاسىنىڭ ارزاندىعىنان رەسەي، وزبەكستان جانە قىرعىزستانعا اكەتىلىپ جاتقانىن ايتقان. ونىڭ سوزىنشە، اسىرەسە رەسەيمەن شەكارالاس ەلدى-مەكەنگە بەنزين قۇيىپ اكەتۋ ءۇشىن، كۇنىنە مىڭداعان رەسەيلىك كولىك كىرەدى ەكەن.

Abai.kz