جەكسەنبى كۇنى ترامپ قۇپيا اقپارات بەرۋشىنىڭ "برەنناننىڭ ادامى ەكەنىن (ورتالىق بارلاۋ باسقارماسىنىڭ ديرەكتورى دجون), ونىڭ بۇرىنعى پرەزيدەنت باراك وبامانىڭ سەنىمدى ادامى ەكەنىن جاريالادى.
ول اقپارات بەرۋشى ءوزىنىڭ كىم ەكەنىن جاريالاۋى ءتيىس دەپ جازدى تۋيتتەرگە.
پرەزيدەنت اقپارات بەرۋشى زەلەنسكيمەن تەلەفون اڭگىمەنى بۇرمالاپ بەردى دەپ ەسەپتەيدى. كونگرەسستەگى دەموكراتتار ونى ۋكراينا پرەزيدەنتىنەن ءوزىنىڭ الداعى سايلاۋدا باستى قارسىلاسى بولاتىن دجو بايدەننىڭ ۇلىنا قاتىستى تەرگەۋ جۇرگىزۋدى تاپسىردى دەپ ايىپتاپ كەلەدى. كەرى جاعدايدا ۋكرايناعا اسكەري كومەكتى توقتاتامىن دەگەن.
اق ءۇي جاريالاعان ەكى پرەزيدەنتتىڭ تەلەفون اڭگىمەلەرىنىڭ ستەنوگرامماسىندا "اسكەري كومەكتى توقتاتامىن" دەگەن ءسوز جوق.
جەكسەنبى كۇنى بەلگىلى بولعانداي، اقپارات بەرۋشىنىڭ ادۆوكاتى ونىڭ رەسپۋبليكاشىلداردىڭ الدىنا كەلىپ، سۇراقتارىنا جاۋاپ بەرۋگە دايىن ەكەنىن جەتكىزدى. بىراق ادۆوكات اقپارات بەرۋشىنىڭ قاۋىپسىزدىگى ءۇشىن، ول تۋرالى مالىمەت جاريالانباۋى ءتيىس دەگەن تالاپ قويدى.
Abai.kz
