جەكسەنبى, 17 قاراشا 2019
561 7 پىكىر 7 قاراشا, 2019 ساعات 10:31

تۇركيا پرەزيدەنتى ءال-باعداديدىڭ ايەلى ۇستالعانىن مالىمدەدى

تۇركيا “يسلام ماملەكەتى” (يم) ەكسترەميستىك توبىنىڭ ليدەرى ءابۋ باكر ءال-باعداديدىڭ ايەلدەرىنىڭ ءبىرىن ۇستادى. بۇل تۋرالى تۇرىك پرەزيدەنتى رەجەپ ەردوعان انكاراداعى ۋنيۆەرسيتەتتە ءسوز سويلەپ جاتىپ، مالىمدەدى.

ء"بىز ونىڭ ايەلىن ۇستادىق، بىراق شۋ شىعارعان جوقپىز. ودان بولەك سيريادا ونىڭ اپكەسى مەن جەزدەسى ۇستالدى", - دەدى ەردوعان.

ءابۋ باكر ءال-باعداديدىڭ قانشا ايەلى بارى بەلگىسىز. “اسسوشيەيتەد پرەسس” اگەنتتىگى ءتورت، “رەيتەر” اگەنتتىگى يراكتاعى دەرەكوزدەرىنە سۇيەنىپ، ءۇش زايىبى بار ەكەنىن جازعان. ابۋ باكر ءال-باعداديدى ۇستاۋ وپەراتسياسى كەزىندە ونىمەن بىرگە ەكى ايەلى ءوزىن-ءوزى جارىپ، مەرت بولعانى حابارلانعان.

5 قاراشادا تۇرىك اسكەريلەرى ءال-باعداديدىڭ اپكەسىن ۇستاعان. راسميا اۆاد سيريانىڭ سولتۇستىك-باتىسىندا جاسىرىنىپ جۇرگەن. ونىمەن قوسا كۇيەۋى، كەلىنى جانە بەس بالاسى قولعا تۇسكەن.

26 قازاندا "يسلام مەملەكەتى" (يم) تەررورلىق ۇيىمنىڭ جەتەكشىسى ءال-باعدادي امەريكالىق ارنايى قىزمەتتىڭ وپەراتسياسى كەزىندە ءولتىرىلدى.

Abai.kz

7 پىكىر