قازاقستاننىڭ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ ء"مانىزوروۆ ىسىنە" قاتىستى پىكىر ءبىلدىرىپتى. ءۋاج-پىكىرىن تەرىستەپتى. ءمانىزوروۆ مالىمدەمە جاسادى. شپەكباەۆ جاۋاپ بەردى. ەندى، رەت-رەتىمەن جازايىق...

باعدات ءمانىزوروۆ: ماعان تاپسىرىس جاسالدى!

"ازىرگە ناقتى كىم تاپسىرىس بەرگەنىن بىلمەيمىن. بىراق، قاساقانا جاسالعانى انىق. قازىر ولاردىڭ كىم ەكەنىن انىقتاپ جاتىرمىز. ءىس ءالى تولىق جابىلعان جوق، بىراق جابىلۋعا جاقىن قالدى. سودان كەيىن زاڭگەرلەرمەن كەڭەسىپ، ماعان جالا جاپقانى ءۇشىن سول ارىزدانۋشىلاردىڭ وزدەرىنە قارسى ارىز تۇسىرەم. ولاردىڭ ەكى-ۇشەۋىمەن سويلەستىم، قاتەلەسكەندەرىن ايتىپ وتىر.

مەنىڭ ويىمشا تاپسىرىس بولعان. ەستەرىڭىزدە بولسا، 1 اپتا-10 كۇندەي ماعان قارسى اقپاراتتىق شابۋىل ءجۇردى، جالعان ۆيدەولار تارادى، ۇيىندە اقشا تولى، قىزدارى "حان سارايىندا" تۇرادى ەكەن دەپ اسىرەسە، رەسەيلىك سايتتار اقپاراتتار جاريالادى. ولاردى دا سوتقا بەرمەكپىن". (اzattyq-ruhy.kz سايتى.)

اليك شپەكباەۆ: ەشقانداي تاپسىرىس بولماعان!

"ەشقانداي زاكاز بولماعان. تەكسەرۋ كەزىندە بۇل انىقتالدى. نۇكتە. پروكۋراتۋرا جاۋابىن جاۋاپ بەرگەننەن كەيىن ءبىز نە ىستەيتىنىمىزدى ايتامىز". (تengrinews.kz سايتى.)

ءمانىزوروۆ ءىسىنىڭ قىسقاشا حرونولوگياسى بىلاي:

25 قىركۇيەك 2019 جىل. الماتى وبلىسى اكىمىنىڭ ورىنباسارى باعدات ءمانىزوروۆ ءىس-ساپارمەن (كومانديروۆكا) الماتىعا كەتكەن.

26 قىركۇيەك 2019 جىل. باعدات ءمانىزوروۆتىڭ ۇستالعانى تۋرالى اقپارات الەۋمەتتىك جەلىگە تارادى.

27 قىركۇيەك 2019 جىل. قر سىبايلاس جەمقورلىققا قارسى ءىس-قيمىل اگەنتتىگى ءمانىزوروۆتىڭ ۇستالعانىن راستادى.

30 قىركۇيەك 2019 جىل. باعدات ءمانىزوروۆتى بوساتتى دەگەن اقپارات تارادى.

2 قازان 2019 جىل. قر سجق ءىس-قيمىل اگەنتتىگى ءمانىزوروۆ ءىسىنىڭ سوتقا دەيىنگى تەرگەۋى جالعاسىپ جاتقانىن حابارلادى. وعان قر قىلمىستىق كودەكسىنىڭ 190 بابى، 4 ءبولىمى، 2 پۋنكتى بويىنشا (قىزمەتتىك مانسابىن پايدالانا وتىرىپ اسا ءىرى كولەمدە الاياقتىق جاساۋ) بويىنشا ايىپ تاعىلىپ وتىرعانىن جەتكىزدى.

7 قازان 2019 جىل. باعدات ءمانىزوروۆ دەنساۋلىعىنا بايلانىستى دەمالىسقا (بولنيچنىي) كەتتى دەگەن اقپارات تارادى. دەمالىس ۋاقىتى 30 قىركۇيەكتەن باستالدى دەپ كورسەتىلگەن.

18 قازان 2019 جىل. ءمانىزوروۆ ەڭبەك دەمالىسىنا (وتپۋسك) كەتتى دەگەن اقپارات تارادى. دەمالىس ۋاقىتى 14 قازان مەن 1 قاراشا ارالىعى دەپ كورسەتىلگەن.

28 قازان 2019 جىل. قر باس پروكۋراتۋراسى باعدات ءمانىزوروۆ ىسىنە قاتىستى قىلمىستىق ءىستى توقتاتقان. ءسويتىپ، مانىزورۆقا تاعىلعان ايىپ الىنعان.

30 قازان 2019 جىل. باعدات ءمانىزوروۆ جۇمىسىنا ورالدى.

13 قاراشا 2019 جىل. قر سجق ءىس-قيمىل اگەنتتىگىنىڭ توراعاسى اليك شپەكباەۆ مانىزوروۆقا تاعىلعان ايىپتاردى الىپ تاستاۋ بويىنشا باس پروكۋراتۋرا جاۋابىن كۇتەتىنىن حابارلادى.

ء"بىز ءوز پىكىرىمىزدى بىلدىردىك. قازىر ەشتەڭە ايتا المايمىن. ءبىز باس پروكۋراتۋرانىڭ جاۋابىن كۇتۋىمىز كەرەك. پروتسەدۋرالار بار. مەرزىم بار. بەلگىلى ءبىر رەتتى ساقتاۋىمىز كەرەك. ورىنباسار ولاردىڭ ورىنباسارىنا نەمەسە مەن جازۋىم كەرەك. ءبىز ءوز پىكىرىمىزدى ايتتىق. ءوز پىكىرىمىزدە قالامىز", دەگەن ەدى شپەكباەۆ.

13 قاراشا 2019 جىل. باعدات ءمانىزوروۆ اقپاراتقا سۇحبات بەرىپ، وزىنە "زاكاز" جاسالعانىن مالىمدەگەن.

ءتۇيىن. باعدات ءمانىزوروۆ قازىر بۇرىنعى جۇمىسىندا. الماتى وبلىسى اكىمىنىڭ ورىنباسارى. ايىپتالدى. ۇستالدى. قاماۋ كوردى. بوساپ شىقتى. سۇحبات بەردى. ءبىتتى. حيكايا.

باعدات ءمانىزوروۆتىڭ ءىسى تۋرالى ەل پىكىرى ەكىۇشتى. داتتاۋشىلار دا بار. اقتاۋشىلار دا جوق ەمەس.  ء"مانىزوروۆ ءىسى - استانا جاقتاعى اق جاعالىلار اراسىنداعى تارتىستىڭ ءبىر كورىنىسى" دەيدى جۇرت. بالكىم، شىنىندا سولاي ما؟.. Cونىمەن ءمانىزوروۆ پەن شپەكباەۆ اراسىنداعى تارتىستىڭ سوڭى نەمەن اياقتالادى؟

Abai.kz