بۇگىن وبلىس اكىمى ق.ىسقاقوۆ جوسالى كەنتى تۇسىنداعى سىرداريا وزەنىنىڭ سۋ دەڭگەيىن كورىپ، سۋ تاسقىنىنىڭ الدىن الۋ جۇمىستارىمەن تانىستى.قازىر   شاردارا سۋ قويماسىنان سىرداريا وزەنى ارقىلى وبلىس اۋماعىنا ءتۇسىپ جاتقان سۋ كولەمى 500 م3/سەك قۇرايدى. بۇل كورسەتكىش وتكەن جىلى 600 م3/سەك بولعان.

بۇگىندە قىزىلوردا سۋ تورابىنان تومەنگى اعىسقا قاراي 420 م3/سەك، ايتەك سۋ تورابىنان - 305 م3/سەك، قاراوزەك ارناسىنا - 110 م3/سەك، باسىقارا سۋ تورابىنان - 200 م3/سەك، اقلاق سۋ تورابىنان - 130 م3/سەك كولەمدە سۋ بوساتىلعان. سونىمەن قاتار، ارال جانە قازالى اۋداندارىندا وزەن بەتىندە تولىقتاي مۇز قاتسا، قارماقشى اۋدانى اۋماعىندا جوسالى كەنتى تۇسىندا 5% كۇر جۇرۋدە. قىزىلوردا قالاسى مەن قالعان اۋدانداردا وزەن بەتى مۇزدان تازا. 

وبلىس اكىمى جاۋاپتى سالا باسشىلارىنا دارياداعى سۋ دەڭگەيىن ۇنەمى باقىلاۋدا ۇستاپ، قاۋىپتى ايماق سانالاتىن ۋچاسكەلەردە كەزەكشىلىك بولۋىن، سونداي-اق قاجەت بولعان جاعدايدا  قۇرال-جابدىقتار مەن ارنايى تەحنيكالارمەن قامتاماسىز ەتىلۋىن تاپسىردى.

5 جەلتوقسان كۇنى قارماقشى اۋدانى جوسالى كەنتىنەن 7 شاقىرىم تومەن ۇسەنتاي ۋچاسكەسىندە كۇردىڭ كەپتەلىسىنەن وزەن سۋىنىڭ دەڭگەيى جوعارىلاعان. اۋماقتىڭ قورعانىس بوگەتى 1 مەتر بيىك. سونىمەن قاتار، جوسالى كەنتىنىڭ تۇسىندا جالاعاش-جوسالى اۆتوجولىنا سۋ جايىلۋدىڭ  الدىن الۋ ءۇشىن جول بويىنىڭ دەڭگەيى تومەن 300 مەتردەي اۋماعىن توپىراقپەن نىعايتۋ جۇمىستارى جۇرگىزىلگەن. بۇگىندە ەلدى مەكەندەردى سۋ باسۋ قاۋىپى جوق. قازىرگى ۋاقىتتا سۋ شارۋاشىلىعى ماماندارى سۋ دەڭگەيىن تومەندەتۋ بويىنشا جۇمىستار جۇرگىزۋدە. 

Abai.kz