جۇما, 29 ناۋرىز 2024
5324 6 پىكىر 12 جەلتوقسان, 2019 ساعات 12:23

قازاقستاندا 16 جەلتوقسان قارساڭىندا قاماۋعا الىنعان بەلسەندىلەر سانى ارتتى

نۇر-سۇلتاندا ءزۇبايدا سەيداحمەتوۆا، فاريزا بەسپاەۆا، نۇرسۇلتان تاستاەۆ - 10 تاۋلىككە، بولاتحان حاميتۇلى 15 تاۋلىككە قامالعان. ولاردىڭ ءبارى 26-27 قاراشادا ەۋروپا وداعىنىڭ قازاقستانداعى وكىلدىگى الدىندا وتكەن اكتسيا ءۇشىن اكىمشىلىك جازاعا تارتىلعان.

قاراشا ايىنىڭ سوڭىندا نۇر-سۇلتاندا ەۋرووداق وكىلدىگى الدىندا ونداعان بەلسەندى اكتسيا وتكىزىپ، قازاقستاندا ازاماتتاردىڭ قۇقىقتارى مەن بوستاندىقتارى ورەسكەل بۇزىلاتىنىن ايتىپ، شاعىمدانعان. ولار ەۋروپا وداعىن قازاقستاندى ادام قۇقىعىن ساقتاۋعا مىندەتتەۋگە شاقىرعان.

نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنىڭ ءباسپاسوز قىزمەتى ءتورت ادامنىڭ قامالعانىن راستادى. سوتتىڭ ءباسپاسوز حاتشىسى بوتاگوز بايانوۆانىڭ ايتۋىنشا، قامالعانداردىڭ بارلىعى اكىمشىلىك كودەكستىڭ 488-بابى 3-تارماعى بويىنشا بەيبىت جيىن وتكىزۋ تۋرالى زاڭنامانى قايتالاپ بۇزعانى ءۇشىن اكىمشىلىك جازاعا تارتىلعان. بۇعان قوسا، استانالىق بەلسەندىلەر اقمارال كەرىمباەۆا مەن قاپار احاتتىڭ دا 10 تاۋلىككە قامالعانى بەلگىلى بولدى. ولارعا دا ءدال سونداي ايىپ تاعىلعان.

7-10 جەلتوقسان ارالىعىندا نۇر-سۇلتاندا بەلسەندىلەر قالالىق پوليتسيا دەپارتامەنتى عيماراتىنا جينالىپ، تاۋەلسىزدىك كۇنى قارساڭىندا جانە سول كۇن اتالىپ وتەتىن ۋاقىتتا وزدەرىن قۋدامالاۋدى تالاپ ەتكەن ەدى.

ال نۇر-سۇلتان قالالىق پوليتسيا دەپارتامەنتىنىڭ باسشىسى باقىتجان مالىباەۆ "16 جەلتوقسان ءالى باستالعان جوق، ولاردىڭ گۇل قويۋىنا ەشكىم قارسى ەمەس" دەگەن ەدى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610