قر پرەزيدەنتى قاسىم-جومارت توقاەۆ «مەن قازاقپىن» پاتريوتتىق ءانىن ورىندايتىن چەللەندجدى قولدادى.

«وتە جاقسى باستاما! قولدايمىن! بۇل ءان حالىقتىڭ رۋحىن كوتەرىپ، ءپاتريوتيزمدى ارتتىرۋ ءۇشىن كەڭ اۋقىمدا دارىپتەلسە ورىندى بولار ەدى. وسىنداي دۇنيەلەر ەلدى بىرلىككە شاقىرادى»، - دەپ جازادى مەملەكەت باسشىسى twitter پاراقشاسىندا.

ەسكە سالساق، پاۆلودار قالاسىنىڭ ورتا مەكتەپتەرى اراسىندا ەلىمىزدىڭ تاۋەلسىزدىك مەرەكەسىنە وراي ەرەكشە چەللەندج باستاعانى تۋرالى بۇعان دەيىن حابارلاعان بولاتىنبىز.

الەۋمەتتىك جەلىدە جاريالانعانىنا تاۋلىك بولماسا دا بۇل ۆيدەونى 10 مىڭنان استام ادام تاماشالاپ، ونىڭ 400-دەن استامى ءلۇپىل باسقان. بولىسكەن ادامداردىڭ قاتارى 600-گە جۋىقتايدى.

ايتا كەتسەك، قۋاندىق راقىمنىڭ «مەن قازاقپىن» ءانىن 2018 جىلدىڭ 7 مامىرىندا قارۋلى كۇشتەردىڭ 3 مىڭ ساربازى جاۋىنگەرلىك پاراد كەزىندە شىرقاعان ەدى شىققان ەدى.

بۇل تۋىندىنىڭ ءسوزىن اقىن نۇرجان ءومىرباي، ال ءانىن جاراسحان تولەباي ەسىمدى جاس كومپوزيتور جازعان. ءان اۆتورى جاراسقان تولەبايدىڭ ايتۋىنشا، «مەن قازاقپىن» ءانى كەيىنگى بۋىن وكىلدەرىنىڭ شەتەل مۋزىكاسىنا ەلىكتەۋى ءورشىپ بارا جاتقان ۋاقىتتا، ەلدىڭ رۋحىن وياتاتىن قازاق ءانى جات ەلدىڭ داڭعازاسىنا تويتارىس بولسىن دەگەن ماقساتتا تۋىنداعان.

Abai.kz