كەزدەسۋ بارىسىندا باس پروكۋرور قازاقستان پرەزيدەنتىنە قاداعالاۋشى ورگان جۇمىستارىنىڭ قورىتىندىلارى، ەلىمىزدەگى زاڭدىلىق پەن قۇقىقتىق ءتارتىپ جايىندا باياندادى. عيزات نۇرداۋلەتوۆ قازاقستاندا قىلمىس دەڭگەيىنىڭ تومەندەگەنىن اتاپ ءوتتى.

پرەزيدەنتكە ازاماتتاردىڭ كونستيتۋتسيالىق قۇقىقتارىن قورعاۋ شارالارى، سونداي-اق، قىلمىسقا قارسى كۇرەستىڭ وزەكتى ماسەلەلەرى جانە قىلمىستىق پروتسەسكە تسيفرلىق تەحنولوگيانى ەنگىزۋ تۋرالى مالىمەت بەرىلدى.

قاسىم-جومارت توقاەۆ قوعام ومىرىندەگى بارلىق سالا بويىنشا زاڭ ۇستەمدىگىن قامتاماسىز ەتۋ جونىندە اتقارىلىپ جاتقان جۇمىستاردى جالعاستىرۋ قاجەتتىگىن ايتتى.

كەزدەسۋ قورىتىندىسى بويىنشا مەملەكەت باسشىسى بىرقاتار ناقتى تاپسىرما بەردى.

Abai.kz