بۇگىن قىرعىزستان پرەزيدەنتى سوورونباي جەەنبەكوۆ جىل سايىنعى ءباسپاسوز كونفەرەنتسياسىن وتكىزدى. وندا قىرعىز پرەزيدەنتى ءسوز بوستاندىعىن ۇنەمى قولدايتىنىن ايتقان.

پرەزيدەنتتىڭ ايتۋىنشا، قىرعىزستاندا ءسوز بوستاندىعى بار. جانە باسقا ەلدەرمەن سالىستىرعاندا قىرعىزستاندىق باق قالاعانىن ايتىپ، جازا الادى.

-مەن پرەزيدەنتتىگىم كەزىندە بىردە-ءبىر جۋرناليسكە قوڭىراۋ شالعان جوقپىن. الدەنەنى جاز نەمەسە جازبا دەپ ايتپادىم. ءبىزدىڭ ەلدە ەشكىم باق-قا قىسىم كورسەتپەيدى. مەنىڭ ەسىمدە، پرەزيدەنتتىككە ۇمىتكەر بولعان كەزىمدە، كەيبىر اقپارات قۇرالدارى مەنى راديكالدى يسلامشىل دەپ جازدى. مەن بۇل تۋرالى ارىز جازدىم، بىراق كەيىن باس تارتتىم. ويتكەنى، بۇل ماتەريالدار سايلاۋ ناۋقانىنا قاتىستى ەكەنىن ءتۇسىندىم, - دەدى جەەنبەكوۆ.

سونىمەن قاتار جەەنبەكوۆ قىرعىزستاندا ءاردايىم ءباسپاسوز بەن ءسوز بوستاندىعىن قورعالاتىنىن اتاپ ءوتتى.

-تاعى ايتارىم، ءسوز بوستاندىعى - بۇل جاۋاپكەرشىلىك. وكىنىشكە قاراي، مۇنى جۋرناليستەردىڭ ءبارى بىردەي بىلە بەرمەيدى. سوندىقتان، ول پرەزيدەنت پە، جۋرناليست پە ەڭ باستىسى زاڭ اياسىنان شىقپاۋ كەرەك, - دەدى قىرعىز پرەزيدەنتى.

Abai.kz