ابايدىڭ بەلبەۋى تابىلدى
سەمەي قالاسىنىڭ مۇراجايىنان قازاقتىڭ باس اقىنى اباي تۋرالى جاڭا دەرەكتەر تابىلدى.
سەمەي قالاسىنداعى وبلىستىق تاريحي-ولكەتانۋ مۇراجايىنىڭ ديرەكتورى قايرات سابىرباەۆ قوردا 1894 جىلعى تىركەۋ داپتەرى بار ەكەنىن، سول ارقىلى ءبىر كەزدەرى ولكەتانۋ مۇراجايىنا تاپسىرىلعان زاتتاردىڭ ءبىرى ابايعا تيەسىلى ەكەنى انىقتالعانىن ايتتى.
-داپتەردە بەلبەۋدىڭ يەسى شىڭعىس بولىسىنداعى يبراھيم قۇنانبايۇلى دەپ جازىلعان. بۇل زاتتى مۇراجايعا قور ساقتاۋشى قابىلداپ العان. بىراق كىمنەن قابىلداپ العانىن داپتەردە جازباعان، - دەپ ءتۇسىندىردى ق.سابىرباەۆ.
كۇمىسپەن كومكەرىلگەن بەلبەۋ اباي مۇراجايىنا تاپسىرىلدى.
Abai.kz
