تۇركيا ليدەرى قاڭتار ايىندا پارلامەنت ماقۇلداۋىن كۇتەتىنىن ايتتى.

وسىنىڭ الدىندا انكارا ليۆيانىڭ ۇلتتىق كەلىسىم ۇكىمەتىمەن ەكى كەلىسىمگە كەلگەن. وندا تۇركيا قازىرگى ليۆيا بيلىگىن مويىنداي وتىرىپ، قاۋىپسىزدىك جانە اسكەري سالادا كومەك كورسەتىلەتىنى ايتىلعان.

ەردوعاننىڭ ءوزى بۇلىكشىل گەنەرالعا رەسەي اسكەرىنىڭ كومەكتەسىپ جاتقانىنا ءۇنسىز قاراپ وتىرمايتىنىن مالىمدەگەن. تۇركيا ليدەرىنىڭ ايتۋىنشا، ليۆيادا رەسەيدىڭ ۆاگنەر جەكەمەنشىك اسكەري كومپانياسىنىڭ ەكى مىڭنان استام اسكەرى بار.

باتىس اقپارات قۇرالدارىنىڭ جازۋىنشا، ليايۆياداعى حاۆتار حالىقتىق ارمياسىنا رەسەيدەن بولەك فرانتسيا، ەگيپەت جانە بىرىككەن اراب امىرلىگى كومەك كورسەتىپ جاتىر. حافتار وكىلدەرى انكارانى تۋنيس ارقىرى ليۆياعا "يسلام مەملەكەتى" تەرروريستىك توبىنىڭ جيھادشىلارىن جىبەرىپ جاتىر دەپ ايىپتايدى.

رەسەي ليۆيادا سوعىس اياقتالعانىنا مۇددەلى ەكەنىن ايتىپ، ليۆيادا ازاماتتىق اسكەرىنىڭ بارىن تەرىسكە شىعارىپ كەلەدى.

ليۆياداعى ۇلتتىق كەلىسىم ۇكىمەتى 2015 جىلى بۇۇ قاۋىپسىزدىك كەڭەسىنىڭ قولداۋىمەن ۋاقىتشا قۇرىلعان.

دالا كومانديرى مارشال حاليف حافتار – كاسىبي اسكەري ادام، امەريكالىق جانە ليۆيالىق ازاماتتىعى بار. 2015 جىلدىڭ ناۋرىز ايىندا ول اسكەري قولباسشى بولىپ تاعايىندالعان. قازىر حافتار ليۆيا حالىقتىق ارمياسىن باسقارادى. ونىڭ قولاستىندا اسكەري اكىمشىلىكتى الماستىراتىن توعىز مۋنيتسيپالدى كەڭەس بار. 2019 جىلدىڭ مامىر ايىندا ليۆيادا ەكىنشى ازاماتتىق سوعىس باستالعان.

Abai.kz