27 جەلتوقساندا تاڭەرتەڭ Bek Air اۆياكومپانياسىنىڭ Fokker-100 ۇشاعى الماتى اۋەجايىنا جاقىن جەرگە قۇلاعان. ۇشاق بورتىندا 93 جولاۋشى جانە بەس ەكيپاج مۇشەسى بولعان. 12 ادام قازا تاپتى. 50 جۋىق ادام جاراقاتپەن اۋرۋحاناعا جەتكىزىلگەن.
الماتى اۋەجايىنىڭ دەرەگىنشە، ۇشاق ۇشىپ كەتكەن سوڭ ءبىر مينۋتتان كەيىن راداردان جوعالعان.
- 05.35 – تىركەۋ باستالدى.
- 06.35 – تىركەۋ اياقتالدى.
- 07.03 – ۇشاققا وتىرعىزۋ اياقتالدى.
- 07.21 – ۇشاق ۇشتى.
- 07.22 – بورت راداردان جوعالىپ كەتتى.
- 07.24 – ۇشۋ جەتەكشىلەرى اۋەجايدىڭ قۇتقارۋ كومانداسىنا حابار بەرىپ، دابىل قاقتى. قۇتقارۋ كومانداسىنا ىزدەۋ جانە اپاتتىق قۇتقارۋ قىزمەتى، مەديتسينالىق قىزمەت، جولاۋشىلار تاسىمالىن ۇيىمداستىرۋ قىزمەتى، ارنايى ترانسپورت قىزمەتى، اەرودروم قىزمەتى، اۆياتسيا قاۋىپسىزدىگى قىزمەتى، جۇك تاسىمالداۋ قىزمەتى، ينجەنەرىك-اۆياتسيالىق قىزمەت كىرەدى.
- 07.27 – قۇتقارۋ كومانداسى اۋەجايدىڭ 6 «ك» ايماعىنا جينالدى.
- 07.35 – ۇشۋ جەتەكشىلەرىنەن ۇشاق اپاتقا ۇشىراعانى جايلى حابار كەلدى.
- 07.36 – ۇشاق اپاتقا ۇشىراعان 18 «ۆ» كۆادراتىنا ءورت ءسوندىرۋشى مەن قۇتقارۋشىلار كەلدى. جولاۋشىلاردى ەۆاكۋاتسيالاۋ باستالدى.
- 07.38 – وقيعا ورنىنا قۇتقارۋشىلار مەن ىزدەۋ كومانداسى كەلىپ، ەۆاكۋاتسيالاۋ شاراسىنا كىرىسەدى.
- 07.39 – قۇتقارۋشى كوماندانىڭ جەتەكشىسى الماتىداعى اۋرۋحانالاردان قوسىمشا كۇش سۇرايدى.
- 07.42 – وقيعا ورنىنا اۋەجايدىڭ اپاتتىق-قۇتقارۋ كومانداسى تولىق جينالدى
- 08.10 – امان قالعان جولاۋشىلار ەۆاكۋاتسيالانىپ، تەرمينالعا جەتكىزىلدى.
اپات بولعان العاشقى مينۋتتاردى وقيعا ورنىنا 22 تەحنيكا مەن اۋەجايدىڭ جەكە قۇرامىنان 83 ادام باردى.
Abai.kz
