ءبىر ۇستاز شاكىرتتەرىنە ايتىپتى. "مەن ء"الحامدۋليللاح" دەپ ايتقانىم ءۇشىن 30 جىل اللادان كەشىرىم سۇراپ، ءتاۋباما كەلدىم" دەپ. شاكىرتتەرى تۇسىنبەي، نە ءۇشىن ەكەنىن سۇراعاندا، ۇستاز:

- مەن 30 جىل بۇرىن بازاردا ساۋدا جاساعانمىن. سول كەزدە بازار ورتەنىپ، تاۋارلارىمىزدىڭ نە بولعانىن بىلمەپ ەدىك. سول كەزدە ءبىر باۋىرىم جۇگىرىپ كەلىپ "قاسىڭداعىلاردىڭ بارلىعىنىڭ تاۋارى ورتەنىپ، ءسىزدىڭ عانا تاۋار قويماڭىز ورتەنبەي قالىپتى" دەگەندە، بىردەن اللاعا شۇكىر دەپ ەدىم. سوندا مەن جانىمداعى مۇسىلمان باۋىرلارىمنىڭ تاۋارى ورتەنىپ تۇرىپ مەنىڭ وزىمشىلدىكپەن، بولەكتەنىپ ء"الحامدۋليللاح" دەپ اللاعا شۇكىرلىك ايتقانىما قاتتى وكىندىم. ومىردە ءبىر بولا تۇرىپ، احيرەتتە ءبىر بولۋدى ءۇمىت ەتە وتىرىپ ولاردان ءوزىمدى بولەك قارادىم. سودان امان قالعان تاۋارلارىمدى بارلىق جانىمداعى مۇسىلمان باۋىرلارىما ءبولىپ بەردىم. سوندا دا جانىم جاي تاپپاي 30 جىل بويى سول سوزىمە ۇيالىپ، وكىنىپ الىگە دەيىن ءتاۋبا ەتەمىن. بىراق، ەي شاكىرتتەرىم، مەن ولسەم سول مۇسىلمان باۋىرلارىمنىڭ جانىنا كومبەي، الىسقا جەرلەڭدەر. ولارعا قاراۋعا، ءبىر جاتۋعا مەندە تازالىق جوق- دەگەن ەكەن.

ارينە، ءتاۋبا ەتۋشىلەردى اللا قابىل ەتەدى. قابىل بولسىن. بىراق دەيمىن دا، بۇل ءسوزدى باستاپ وتىرعان سەبەبىم مىناۋ.

قازىرگى كەزدە قۇلاعان بەك ەير كومپانياسىنىڭ ۇشاعىنان امان قالعاندار مەن ۇشاقتان قالىپ قالعان اعايىندار امان قالعانداعى يستوريالارىن الەۋمەتتىك جەلى مەن ءتۇرلى اقپارات قۇرالدارىنا جارىسا سۇقبات بەرىپ قۋانىشتارىن ءبولىسىپ الەك. بۇل ارەكەتتەرى وزىمەن ۇشاقتا تاعدىرلاس بولعان، ومىردە قانداس باۋىر بولعان، بىراق اپاتتا قازا بولعان جانداردىڭ وتباسىنا اۋىر تيەدى دەپ ويلامايما ەكەن؟ قايعىرىپ قان جۇتىپ ارىستارىنان تىرىدەي ايىرىلىپ وتىرعان قازا بولعان جانداردىڭ تۋىستارىنىڭ جان-جۇرەگىنە سوققى بولارىن بىلمەي مە ەكەن؟!

سالدە بولسا، مىڭ جەردەن امان قالساق تا، جاقىنىنان ايىرىلعان جانداردىڭ جاراسىنا تۇز سەپپەيىكشى...

تاۋباعا كەلەيىك، ءتاۋبانى اللا قابىل الۋشى...

مۇقامەتقالي ۇلىقپانۇلىنىڭ الەۋمەتتىك جازباسىنان

Abai.kz