قازاقستان پرەزيدەنتى قاسىم-جومارت توقاەۆ حالىقارالىق «قازاق ءتىلى» قوعامىنىڭ نەگىزىن سالۋشىلاردىڭ ءبىرى، كورنەكتى عالىم، ۇلتتىق عىلىم اكادەمياسىنىڭ اكادەميگى ومىرزاق ايتباەۆتىڭ دۇنيە سالۋىنا بايلانىستى ونىڭ وتباسىنا كوڭىل ايتۋ جەدەلحاتىن جولدادى.

«ومىرزاق ايتبايۇلى تاۋەلسىزدىكتىڭ العاشقى كۇندەرىنەن باستاپ مەملەكەتتىك ءتىلدىڭ مارتەبەسىنىڭ ارتۋىنا ولشەۋسىز ۇلەس قوستى. ول قازاق تەرمينولوگياسىنىڭ دامۋىنا، ءتىل ءبىلىمى ماماندارىنىڭ جاڭا بۋىنىن قالىپتاستىرۋعا زور ەڭبەك سىڭىرگەن ۇلاعاتتى ۇستاز جانە ءىرى عالىم ەدى. قازاق زيالىلارىنىڭ اراسىندا وزىندىك ورنى بار قادىرلى ومىرزاق ايتبايۇلىنىڭ عىلىمي مۇراسى ەل بولاشاعى مەن ۇلت يگىلىگىنە قىزمەت ەتە بەرەدى دەپ سەنەمىن»، – دەلىنگەن جەدەلحاتتا.

Abai.kz