مەملەكەت باسشىسى قاسىم-جومارت توقاەۆ اقوردادا پرەزيدەنتتىڭ كادرلىق رەزەرۆ مۇشەلەرىمەن كەزدەسۋ وتكىزىپ جاتىر. كەزدەسۋ بارىسىندا پرەزيدەنت قازاقستانعا مەملەكەتتىك باسقارۋدىڭ جاڭا مودەلى قاجەت ەكەنىن ايتتى.

- قازاقستانعا قوعامنىڭ سۇرانىسىنا ساي، ءتيىمدى جانە ءادىل مەملەكەتتىك باسقارۋدىڭ جاڭا مودەلى قاجەت. بۇل رەتتە ول ەڭ زاماناۋي تەحنولوگيالاردى پايدالانۋعا نەگىزدەلۋى ءتيىس، - دەدى مەملەكەت باسشىسى.

پرەزيدەنت سونىمەن قاتار، ەلدىڭ ءاربىر تۇرعىنىنىڭ ءۇنى جوعارعا جەتۋىنە مۇمكىندىك جاساۋ كەرەك ەكەنىن ايتتى.

بۇل ءۇشىن ءتيىستى ساياسي تەتىكتەردى دامىتۋ كەرەك. ناقتى ءوڭىر تۇرعىندارىنىڭ مەملەكەتتىك شىعىستارعا قاتىستى پىكىرىن ەسكەرۋ ماقساتىندا حالىقتىق قاتىسۋ بيۋدجەتىنىڭ جوباسى ىسكە اسىرىلاتىن بولادى. اشىق ۇكىمەت پورتالى ازاماتتاردىڭ ماڭىزدى شەشىمدەردى تالقىلاۋداعى مۇمكىندىكتەرىن كەڭەيتۋى ءتيىس", - دەدى پرەزيدەنت.

پرەزيدەنتتىڭ كادرلىق رەزەرۆكە ىرىكتەۋ بىلتىر رەسپۋبليكانىڭ بارلىق اۋماعىندا جۇرگىزىلگەن. بۇل سىنعا 13 مىڭ ادام قاتىسىپ، ولاردىڭ 300-ءى تاڭداۋدان وتكەن بولاتىن.

Abai.kz