ماقالادا كرەملدىڭ 2020 جىلداعى ماقساتى وزبەكستاندى ەاەو-عا قوسىپ، ەۋروپالىق وداققا بالاما ۇيىم رەتىندە الەۋەتىن كەڭەيتۋگە ۇمتىلادى دەگەن.

گرۋزين باسىلىمىنىڭ جازۋىنشا، بىلتىر جىل بويى تاشكەنتتى ەاەو قۇرامىنا قوسۋ ءۇشىن كەلىسسوزدەر جۇرگەن.

بىراق تابيعي رەسۋرسقا باي وزبەكستان رەسەي قىسىمىنا قارسى تۇرا ءبىلدى دەپ جازادى باسىلىم.

ەۋرازيالىق ەكونوميكالىق وداق 2001 جىلدىڭ 30 مامىرىندا قۇرىلدى. سول جىلى وزبەكستان كىرىپ، 2008 جىلى قايتا شىعىپ كەتكەن.

قىرعىزستان مەن ارمەنيا 2015 جىلدان باستاپ اتالعان ۇيىمعا مۇشە. بۇدان بولەك بۇل ۇيىمعا بەلارۋس، رەسەي جانە قازاقستان مۇشە. بۇل اليانس ۆلاديمير پۋتين ءۇشىن سوۆەت وداعىن قايتا قۇرۋ جوباسى ىسپەتتى. ول كەزىندە سسرو-نىڭ قۇلاۋىن "20-عاسىرداعى ەڭ ءىرى اپات" دەپ اتاعان.

تەرريتوريالدىق تۇتاستىعى رەسەي تاراپىنان بۇزىلعان گرۋزيا مەن ۋكراينا رەسەيلىك ىقپالدىڭ باستى قارسىلاسى. سوۆەت وداعى قۇرامىندا بولعان بالتىق ەلدەرى رەسەيدىڭ ساياسي جانە ەكونوميكالىق وربيتاسىنان تولىق شىعىپ، ەۋروپالىق وداقتىڭ تولىققاندى مۇشەسى اتانعان.

Abai.kz