دۇيسەنبى, 24 اقپان 2020
جاڭالىقتار 1457 7 پىكىر 23 قاڭتار, 2020 ساعات 14:39

پرەزيدەنتتىڭ ۇلىن دەپۋتاتتىققا ۇسىندى

دۋشانبە قالاسىنىڭ مەرى رۋستام ەمومالي دۋشانبە قالالىق ءماجىلىسىنىڭ دەپۋتاتتىعىنا ۇسىنىلدى، دەپ حابارلايدى sputnik.kz.

رۋستام ەموماليدىڭ كانديداتۋراسى يسمويل سوموني اۋدانى حالىق دەپۋتاتتارى ماجىلىسىنە ۇمىتكەرلەردى ۇسىنۋ جونىندەگى كونفەرەنتسيادان كەيىن ۇسىنىلعان.

رۋستام ەمومالي دۋشانبە قالاسىنىڭ مەرى بولىپ 2017 جىلدان بەرى قىزمەت ەتىپ كەلەدى.

بيىل تاجىكستاندا پارلامەنت ءماجىلىسى مەن جەرگىلىكتى ءماجىلىس دەپۋتاتتارىنىڭ كەزەكتى سايلاۋى 1 ناۋرىزدا وتەدى.

ايتا كەتەيىك، ەمومالي راحموننىڭ جەتى قىزى مەن ەكى ۇلى بار. ونىڭ بالالارىنىڭ كوپشىلىگى جوعارى لاۋازىمداردا.

ماسەلەن، راحموننىڭ كەنجە ۇلى سومون ەمومالي 2019 جىلى تاجىكستان اليۋميني كومپانياسى Talco Cable باس ديرەكتورىنىڭ ورىنباسارى بولىپ تاعايىندالعان. بۇل 21 جاستاعى سومون ەموماليدىڭ تاجىكستان ۇلتتىق ۋنيۆەرسيتەتىن بىتىرگەننەن كەيىنگى العاشقى قىزمەتى.

ەكىنشى قىزى وزودا راحمون - پرەزيدەنتتىك اپپاراتتى باسقارادى. ال ۇلكەن ۇلى رۋستامي ەمومالي دۋشانبە قالاسىنىڭ مەرى. ءتورتىنشى قىزى رۋحشونا راحمونوۆا سىرتقى ىستەر مينيسترلىگىندەگى بولىمشەلەردىڭ ءبىرىن باسقارادى. پرەزيدەنتتىڭ التىنشى قىزى زارينا راحمون تاجىكستانداعى ەڭ ءىرى بانكتەردىڭ ءبىرى وريەنبانك باسشىسىنىڭ ورىنباسارى بولىپ جۇمىس ىستەيدى.

Abai.kz

7 پىكىر