بيلىكتىڭ قوعامنىڭ ءالسىز توپتارىنىڭ ماسەلەلەرى جايلى قانشا سۇراق قويساڭدا، سۇراق-تالاپتارعا جاۋاپ بەرە الماۋى، ماسەلەلەردى كومپلەكستى تۇردە شەشە الماۋى، شەشۋگە ورەلەرى جەتپەۋى، ەكونوميكا 4,5%-عا ءوستى دەي وتىرىپ، ازىق - تۇلىك باعاسىنىڭ وسۋىنە كەدەرگى قويا الماۋى، جۇيەدە سىبايلاس جەمقورلىقتىڭ ءالى دە ءورشىپ تۇرعاندىعىن كورسەتەدى!

ۇكىمەت پەن پارلامەنتتىڭ قۇرامىنداعىلاردىڭ بارلىعى ميلليونەرلەر. ولاردىڭ تۋعان-تۋىسقاندارىنا، بالالارىنا، جەكجات-جۇراعاتىنا جازىپ قويعان ءىرى ازىق- تۇلىك كومپانيالارى، جشس-لارى، فيرمالارى، ءوندىرىس ورىندارى جەتكىلىكتى. ولار ءوز قولدارىن وزدەرى كەسە المايدى! وففشورداعى ميللياردتاعان بايلىقتار دا سولاردىكى، باس پروكۋراتۋرانىڭ، سجقك ۇب-سىنىڭ قانشا رەت ايتساق تا ەشقانداي ارەكەتسىز وتىرۋى سونىڭ سالدارى!

قىسقاشا ايتقاندا، سىبايلاس جەمقورلىقتى بيلىكتەگى سپرۋتتار دەسەكتە بولادى. ماعان كەيدە ءبىر ويلار كەلەدى، مىنا ۇستالىپ جاتقاندار، دەپۋتات، سوت، پروكۋرور، اكىمدەر وزدەرىنىڭ حالىقتان العاندارىن جوعاردىعىلارمەن بولىسكىسى كەلمەگەندىكتەن بە نەمەسە شىن جۇيەگە قارسىلىق كورسەتكىسى كەلگەندىكتەن جۇيەنىڭ ارنايى فالسيفيكاتسيا جاساۋى ما دەپ ويلاپ قويامىن. بىراق تاعى دا ءبىر وي "ولاردى جۇيەگە كىرۋگە ەشكىم زورلاعان جوق، قارسىلىق كورسەتسە پرەمەرلەردىڭ وزدەرى دە " تمۋ-تاراكان" جاعالاپ كەتكەنىن بىلەدى عوي"- دەپ تۇجىرىمعا كەلەمىن.

توقسان اۋىز ءسوزدىڭ توبىقتاي ءتۇيىنى: بۇل جۇيەنى تولىعىنان وزگەرتىپ، بيلىك باسىنا سىبايلاس جەمقورلىقتان كريستالداي تازا، ءبىلىمدى دە بىلىكتى ەكونوميستەر، زاڭگەرلەر كەلۋى كەرەك! ادام قۇقىعى ءبىرىنشى ورىنعا قويىلماعان ەلدە، ەشقانداي ساياسي-ەكونوميكالىق، دەموكراتيالىق وزگەرىستەر بولمايدى، " ساباقتاستىقتىڭ" ىشىندە سىبايلاستىق تا جاتىر، سول سىبايلاس جەمقورلىق قۇرىماي، جۇيە وزگەرمەيدى!..

بۇنىڭ ەكى جولى بار: توقاەۆ مىرزا تولىق ساياسي-ەكونوميكالىق وزگەرىس جاساعىسى كەلسە، حالىقتىڭ قولداۋىنا يە بولا وتىرىپ:

1. پارلامەنت پەن ۇكىمەتتى تاراتۋى قاجەت.

2. كونستيتۋتسيا وزگەرتىلىپ، كونستيتۋتسيادان جوعارى تۇرعان زاڭدار مەن زاڭنامالار تولىعىمەن جويىلۋى كەرەك، ساياسي پارتيالار، سايلاۋ تۋرالى، باق تۋرالى، ەلباسى تۋرالى ت.ب زاڭدارعا تولىق وزگەرىستەر قاجەت.

3. ەلدە رەسپۋبليكالىق رەفەرەندۋم وتكىزىلىپ، بيلىكتىڭ ساياسي پلاتفورماسى قابىلدانۋى كەرەك.