ونىڭ سوزىنشە، تاجىك بيلىگى سايدراحمونوۆتى ەكستراديتسيالاۋعا كەرەكتى بارلىق قۇجاتتى دايىنداپ بىتكەن.
"بۇل ماسەلە وڭ شەشىلىپ، جاقىن كۇندەرى ول تاجىكستانعا جەتكىزىلەدى دەپ ۇمىتتەنەمىز. سايدراحمونوۆتان باسقا تاجىك ازاماتتارىن تەررورلىق ۇيىمداردىڭ قاتارىنا ازعىرعان يم توبىنىڭ باسقا مۇشەلەرى دە ەكستراديتسيالانادى", - دەدى ول.
تاجىكستاننىڭ باس پروكۋراتۋراسى يۋسۋف راحمون سيريا تۇرمەلەرىندەگى باسقا تاجىك سودىرلارى، ونىڭ ىشىندە ابۋ ۋساما نوراكي دەگەن اتپەن تانىمال توجيددين نازاروۆ تا ەكستراديتسيالاناتىنىن جەتكىزدى.
"سيريادا قاماۋدا وتىرعان بارلىق سودىرلار تاجىكستانعا جەتكىزىلگەننەن كەيىن ءسوزسىز قىلمىستىق جاۋاپكەرشىلىككە تارتىلادى", - دەدى راحمون.
اقپاراتقا قاراعاندا، دۋشانبەلىك 35 جاستاعى پارۆيز سايدراحمونوۆ (ابۋ دوۆۋد) بىلتىر يدليب پروۆينتسياسىنداعى باگۋز قىستاعىنان شىعىپ كەلە جاتقاندا ۇستالعان.
تۇركياداعى دەرەككوزدىڭ مالىمەتىنشە، سيريادا تاعى ءبىر تاجىكستاندىق جيحادشى توجيددين نازاروۆ تا قاماۋعا الىنعان. قازىر ول دەير-ەز-زور قالاسىنداعى تۇرمەدە ەكەنى ايتىلادى.
Abai.kz
