جۇما, 29 ناۋرىز 2024
اباي مۇراسى 4661 2 پىكىر 1 اقپان, 2020 ساعات 15:10

سەمەي اۋەجايى ەندى «اباي اۋەجايى» بولدى

شىعىس قازاقستان وبلىسى، سەمەي قالاسىنداعى اۋەجايعا ۇلى ابايدىڭ ەسىمى بەرىلدى. اتالعان ۇسىنىستى شىعىس قازاقستان وبلىستىق ءماسليحاتىنىڭ دەپۋتاتتارى قولداعان.

سەمەي اۋەجايىنا اباي ەسىمى بەرىلەتىنى تۋرالى رەسمي اقپاراتتا وبلىستىق ونوماستيكا ماقۇلداعان بۇل ۇسىنىس رەسپۋبليكالىق ونوماستيكا كوميسسياسىنىڭ قاراۋىنا جىبەرىلگەنى ايتىلعان.

«سەمەي قالاسىنىڭ اۋەجايىنا اباي ەسىمىن بەرۋ تۋرالى جانە سەمەي قالاسىنىڭ ءبىلىم بەرۋ مەكەمەلەرىنە تانىمال تۇلعالاردىڭ اتتارىن بەرۋ تۋرالى ۇسىنىستى وبلىستىق ونوماستيكالىق كوميسسيا ماقۇلدادى. سونداي-اق، شقو وبلىستىق ءماسليحاتىنىڭ دەپۋتاتتارى تاراپىنان قولداۋ تاپتى. قۇجاتتار رەسپۋبليكالىق ونوماستيكا كوميسسياسىنا جىبەرىلدى»، - دەلىنگەن حابارلامادا.

سەمەي اۋەجايىنا اباي ەسىمىن بەرۋ تۋرالى باستامانى وڭىردەگى قوعام بەلسەندىلەرى ۇسىنعان. سەمەي قالاسى مادەنيەت جانە تىلدەردى دامىتۋ ءبولىمىنىڭ باس مامانى اناگۇل بۇركىتباەۆانىڭ ايتۋىنشا، اتالعان يگى شارا ۇلى اعارتۋشىنىڭ 175 جىلدىعىنا ورايلاستىرىلىپ وتىر.

تاقىرىپقا تۇزدىق رەتىندە ايتا كەتەيىك، قازىرگى تاڭدا سەمەيدەگى № 49 مەكتەپ  حاكىم ابايدىڭ اتىمەن اتالادى. اقىن مەرەيتويى اياسىندا رەسپۋبليكا كولەمىندە ۇزىن-ىرعاسى 500-دەن استام شارا وتەدى دەپ جوسپارلانىپتى.

سەمەي قالاسى مادەنيەت جانە تىلدەردى دامىتۋ ءبولىمىنىڭ باس مامانى اناگۇل بۇركىتباەۆانىڭ ايتۋىنشا، الداعى ۋاقتا وبلىس ورتالىعى - وسكەمەن قالاسىنداعى گۋمانيتارلىق كوللەدجگە اباي ەسىمىن بەرۋ ماسەلەسى دە قازىر قاراستىرىلىپ جاتىر.

ودان بولەك،  نۇر-سۇلتان قالاسىندا «اباي الەمى» اتتى ۇلكەن ورتالىق سالىناتىنى وسىعان دەيىن بەلگىلى بولعان.

ال اباي تويىن اتاپ وتۋگە وبلىس جۇرتى بەلسەندى قاتىسپاق. اباي تويى قارساڭىندا سەمەي قالاسىنداعى وقۋ ورىندارىنا كورنەكتى تۇلعالاردىڭ اتتارى بەرىلمەك.

اتاپ ايتقاندا، № 2 ورتا مەكتەپ قانىش ساتباەۆ، №3 مەكتەپ-كەشەن مۇحتار اۋەزوۆ، №34 مەكتەپ باۋىرجان مومىشۇلى، №37 مەكتەپ-گيمنازيا ىبىراي التىنسارين، №39 مەكتەپ ءاليحان بوكەيحان، №47 مەكتەپ احمەت بايتۇرسىنوۆ، پريگورود ورتا مەكتەبى جۇسىپبەك ايماۋىتوۆتىڭ اتىمەن اتالادى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610