قازاقتىڭ دا ءالسىز جەرى بەلگىلى. سينوفوبيا ءورشىپ تۇر، كوروناۆيرۋستىڭ جىرى بىتپەدى، سايراگۇل-ءبىلاش سەريالىنىڭ ءىزى سۋىماي تۇر. سونداي كەزدە مايك پومپەونىڭ: "قازاقستان، قىتاي قازاقتارىن قورعاۋ كەرەك!" دەگەن ۇرانىن مىڭداعان قازاق قوستاي جونەلدى. ال ول قازاقتاردىڭ قىتاي ازاماتتارى ەكەنى، ول قازاقتاردىڭ 30 جىل ەلگە كەلەتىن مۇمكىندىگى بولا تۇرا كەلمەگەنى، قازاقستاننىڭ بوتەن مەملەكەتتىڭ ىشكى شارۋاسىنا قول سۇعۋىنا بولمايتىنىن ەشكىمدى قىزىقتىرمايدى.

ەندى ەڭ ماڭىزدى جانە كوپ ادام بىلە بەرمەيتىن نارسە بار. قاراپايىم حالىقتىڭ ەسىندە دە ساقتالماعان ءجايت. سوڭعى 30 جىلدا اقش پەن رەسەي وزدەرىنە سەنگەن وداقتاس مەملەكەتتەردى سوڭعى ساتتە ساتىپ كەتەتىن جامان ادەتىن تاريح تالاي كورسەتتى. رەسەي - يۋگوسلاۆيا، ليۆيا، يراك، اۋعانستان بيلىگىن لاقتىرىپ كەتسە، اقش - ۋكراينا مەن گرۋزيا ماسەلەسىندە، وداقتاستارى ءۇشىن سوڭىنا دەيىن تۇرىپ بەرمەدى. ناتيجەسىندە ورىسقا سەنگەن س.ميلوشەۆيچ، م.كاددافي، س.حۋسسەين، م.نادجيبۋللا رەجيمدەرى قۇلادى، وزدەرى يت ولىممەن ءولدى. ال امەريكاندىقتارعا سەنگەن گرۋزيندار مەن ۋكرايندار جەرلەرىنىڭ 10-20% ايىرىلىپ تىندى. ابحازيا، وڭ.وسەتيا، قىرىم، دونەتسك ايماقتارى بۇرىنعىداي بولمايتىنى تۇسىنىكتى.

سوندىقتان، بۇل جەردە سابىر ساقتاپ، ءالىپتىڭ ارتىن باعىپ، ەكى قاراپ ءبىر شوقىپ، يتەرمەلەۋ مەن ايداقتاۋعا ەرمەي، ءوز قازاقستانىمىزدىڭ تىنىشتىعىن باستى مۇددە دەپ قابىلداۋىمىز كەرەك.

سامات نۇرتازانىڭ الەۋمەتتىك جەلىدەگى جازباسىنان

Abai.kz