قر پرەزيدەنتى قاسىم-جومارت توقاەۆ Twitter جەلىسىندەگى پاراقشاسىندا جامبىل وبلىسى قورداي اۋدانىنداعى جاعدايعا قاتىستى زارداپ شەككەندەرگە كومەك كورسەتىلەتىنىن جازدى.

"مەملەكەتتىك ورگاندار قىزمەتكەرلەرىنىڭ سالعىرتتىعى ارقاسىندا ارانداتۋشىلار قانتوگىس جاسادى. ولار جازالانادى. مەملەكەت زارداپ شەككەندەرگە قولداۋ كورسەتەدى. بەيبىتشىلىك پەن كەلىسىم ءبىزدىڭ باستى بايلىعىمىز، ونى بۇزۋعا ەشكىمنىڭ قۇقىعى جوق!", - دەپ جازدى توقاەۆ.

وسىعان دەيىن بەردىبەك ساپارباەۆ اۋدانداعى قاۋىپسىزدىكتى قامتاماسىز ەتەتىن قۇقىق قورعاۋ ورگاندارىنىڭ جەكە قۇرامىمەن سويلەستى. ەلدى مەكەندەردەگى جاعداي بىرقالىپتى. كۇندىز جەرگىلىكتى تۇرعىندارعا ەندى تارتىپسىزدىكتىڭ بولمايتىنى، جاعدايدىڭ باقىلاۋدا ەكەنى ايتىلعان بولاتىن.

ەسكە سالايىق، 7 اقپاندا قورداي اۋدانى ماسانچي اۋىلىندا تۇرعىنداردىڭ اراسىندا جاپپاي توبەلەس بولدى. پرەزيدەنت قاسىم-جومارت توقاەۆ بۇزاقىلىقتان تۋعان قاقتىعىستى ارانداتقىسى كەلگەندەر تۋرالى ايتتى. قورداي اۋدانىنداعى وقيعانىڭ سالدارىنان 8 ادام قازا تاۋىپ، تاعى 40 ادام زارداپ شەككەن.

ال 8 اقپاندا قورداي اۋدانىندا توتەنشە جاعداي رەجيمى جاريالانادى.

Abai.kz