"اشىق الاڭدا" بەكبولات تىلەۋحان اعامىز "ۇلتجاندىلىق ءوز ۇلتىن جاقسى كورۋ، ۇلتشىلدىق وزگە ۇلتتى جەك كورۋ" دەپ ايتى. بەكەڭ مەنىڭ جەرلەس اعام. 2-3 مارتە توپ اراسىندا كەزدەسكەنىمىز بار. ەكى-ءۇش مارتە سويلەسكەنىمىز بار. باسقالاي تانىستىعىمىز جوق. مەن ول كىسىنى قازاق ءان ونەرىنە سىڭىرگەن ەڭبەگى ءۇشىن سىيلاپ وتەم. بىراق، تاپ مىنا ويىمەن كەلىسپەيمىن.

كەزىندە ءاليحان بوكەيحانوۆ، احمەت بايتۇرسىنوۆتار وزدەرىن "ۇلتشىلمىز" دەگەن. سوندا ولار وزگە ۇلتتى جەك كورگەن بە؟ زاماننىڭ تار كەزىندە ۇلتىن سۇيگەن ەرلەر سولاي ايتۋعا قورىقپاسا بۇگىنگى بىزدىكى نە ەزدىك؟

ۇلتشىلدىق پەن اسىرەۇلتشىلدىقتى شاتاستىرماۋ كەرەك. اسىرەۇلتشىلدىق - شوۆينيزم. بۇنى تۇنشىقتىرىپ وتىرعان ءجون.

نەمىس نەمىستى سۇيسە، ورىس ورىستى سۇيسە، دۇنگەن دۇنگەندى سۇيسە، جاپون جاپوندى سۇيسە قالىپتى دۇنيە. قازاق قازاقتى سۇيسە نەگە شورشيمىز؟ باستىسى شەكاراسىن ءبىلۋ ەمەس پە؟

ءوز ۇلتىڭا قىزمەت ەت، وزگە ۇلتتى كەمسىتپە. قيىن قاعيدا ەمەس. قايتالاپ ايتامىن، ءبىر ەل، ءبىر ءتىل، ءبىر تاعدىر، ءبىر مەملەكەت ۇستانىمىنا كوشۋىمىز كەرەك. بوستاكى اڭگىمە، ساندالباي ساياساتتىڭ ۋاقىتى ءوتتى. مەملەكەتتىڭ ماسكاسىن جىلدا سىپىرۋدان شارشاعان جوقپىز با؟

ايسۇلتان جاقىپتىڭ الەۋمەتتىك جەلىدەگى جازباسىنان

Abai.kz