قر پرەمەر-ءمينيسترى اسقار مامين قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بارلىق قاجەتتى شارالار قابىلدانىپ جاتقانىن ايتتى. ءماميننىڭ سوزىنشە، قازاقستاندا كوروناۆيرۋسقا شالدىققان ناۋقاستار جوق. 

-بۇگىنگى تاڭدا قازاقستان اۋماعىندا كوروناۆيرۋسقا شالدىققان ناۋقاستار جوق. جالپى جاعداي ۇكىمەتتىڭ تۇراقتى باقىلاۋىندا. دەنساۋلىق ساقتاۋ مينيسترلىگىنە سانيتارلىق-ەپيدەميولوگيالىق باقىلاۋدى جالعاستىرۋدى تاپسىرامىن. مونوپولياعا قارسى ورگاندار مەن دەنساۋلىق ساقتاۋ مينيسترلىگى كەيبىر ءدارىحانادا مەديتسينالىق ماسكالار مەن ۆيرۋسقا قارسى پرەپاراتتارعا باعانى جاساندى كوتەرۋدىڭ جەكەلەگەن فاكتىلەرىنە نازار اۋدارۋى قاجەت. ماسەلەنىڭ ءمان-جايىن انىقتاڭىزدار، - دەدى اسقار مامين.

ۇكىمەت باسشىسى سىرتقى ىستەر مينيسترلىگىنە قحر اۋماعىندا قالعان قازاقستاندىقتارمەن تىعىز بايلانىستا بولىپ، قاجەتتى قولداۋ كورسەتۋى ءتيىس ەكەنىن باسا ايتتى.

«جالپى، دەنساۋلىق ساقتاۋ مينيسترلىگى مەن اكىمدەر جاعدايدى تۇراقتى باقىلاۋدا ۇستاسىن»، - دەدى پرەمەر-مينيستر.

Abai.kz