جۇما, 29 ناۋرىز 2024
46 - ءسوز 3540 15 پىكىر 13 اقپان, 2020 ساعات 11:37

اقش ورتا ازيا ەلدەرىنىڭ ءوز الدىنا بولەك وداق قۇرعانىن قالايدى

اقش مەملەكەتتىك حاتشىسى مايكل پومپەو ورتا ازيالىق ساپارىنان ورالا سالىسىمەن 5 اقپاندا مەملەكەتتىك دەپارتامەنتتىڭ ورتا ازيا ەلدەرىنە قاتىستى 2025 جىلعا دەيىنگى ستراتەگياسىن جاريالادى.نەگىزگى 6 ماقسات كورسەتىلگەن وندا. بارىنە تەگىس توقتالىپ باستارىڭدى اۋىرتپاي-اق قويايىن. مەنى قىزىقتىرعان ءبىرىنشى باپ بولدى. وندا بىلاي دەلىنگەن:

"ورتا ازيا ەلدەرىنىڭ ارقايسىسىنىڭ جانە جالپى ايماقتىڭ تاۋەلسىزدىگىن قولداۋ جانە ونى نىعايتۋعا ىقپالداسۋ. امەريكا قۇراما شتاتتارىنىڭ ولاردىڭ ەكونوميكالارىن دامىتۋعا، ەنەرگەتيكالىق قاۋىپسىزدىك ماسەلەلەرىن شەشۋىنە، مەملەكەتتى باسقارۋدا دەموكراتيالىق پرينتسيپتەردى ەنگىزۋىنە جۇيەلى تۇردە اتسالىسۋىنىڭ ارقاسىندا ورتا ازيا مەملەكەتتەرى ايماقتا بىرلەسكەن ارىپتەستىك نەگىزىندە دامىپ، ءوز ەگەمەندىكتەرىن نىعايتىپ، ەكونوميكالىق تاۋەلسىزدىكتەرىن ساقتاۋ ماقساتىندا ناقتى قادامدار جاسايتىن بولادى. قۇراما شتاتتار ايماقتاعى مەملەكەتتەردى ءبولىپ تۇرعان ءىشىنارا الاۋىزدىقتى جەڭۋگە ىقپالداساتىن بولادى،"

ءبىر سوزبەن ايتقاندا اقش ورتا ازيا ەلدەرىنىڭ ءوز الدىنا بولەك وداق قۇرعانىن قالايدى. نەگىزى قازاقستاننىڭ دا سوڭعى بەس التى جىلداعى ماقساتى دا وسىعان كەلىپ سايادى. وعان سوڭعى جىلدارداعى وزبەك اعايىندارمەن اراداعى ورناعان جىلىمىق ساياسات تا كۋا. وزبەكستان،تۇركمەنيا، ءازىربايجان، تاجىكىستانمەن وتكىزگەن كوپ جاقتى كەلىسسوزدەر دە سول جاقىنداسۋدىڭ امالى ەدى. ءتىپتى قاتەلەسپەسەم وسىدان بەس-التى جىل بۇرىن تۇركى ەلدەرىنىڭ بىرلەسكەن اسكەري جاتتىعۋى وتكەن بولاتىن. تۇركى ەلدەرىنىڭ ەتەنە ارالاسىپ كەتۋىنە قارسى كۇشتەر جوق ەمەس. بارشىلىق. دەگەنمەن اقش-تىڭ وسى دوكتريناسىن پايدالانىپ، تۋىسقان ەلدەرمەن ءبىرشاما جاقىنداسۋدىڭ وڭتايلى ءساتى كەلىپ تۇرعان سياقتى. ەندى بولماعاندا قاشان؟ سىرتقى قاۋىپتەرگە، مىقتىلاردىڭ ەكسپانسياسىنا جاپادان جالعىز قارسى تۇرا الۋىمىز ەكىتالاي عوي. سوندىقتان ءدال قازىرگى تاڭدا قازاقستانعا تەڭ دارەجەدەگى وداقتاستار كەرەك-اق.

مۇحتار تۇمەنبايدىڭ الەۋمەتتىك جەلىدەگى جازباسىنان

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580