جۇما, 29 ناۋرىز 2024
3325 11 پىكىر 17 اقپان, 2020 ساعات 15:37

ايدوس سارىم: بولاشاقتا ميتينگ ۇيىمداستىرۋ ۇيرەنشىكتى نارسەگە اينالادى

الماتىدا قر اقپارات جانە قوعامدىق دامۋ ءمينيسترى داۋرەن اباەۆتىڭ قاتىسۋىمەن «قازاقستان رەسپۋبليكاسىندا بەيبىت جينالىستار، شەرۋ، پيكەتتەر، دەمونستراتسيالىق جينالىستاردى وتكىزۋ مەن ۇيىمداستىرۋ ءتارتىبى تۋرالى» جاڭا زاڭ جوباسى قوعامدىق كەڭەستە تالقىلاندى.

وتىرىسقا قاتىسقان ساراپشىلار جاڭا زاڭ جوباسى تۋرالى ويلارىن ءبىلدىردى.

ساياساتتانۋشى ايدوس سارىم بۇعان دەيىنگى ەسكى زاڭدى وزگەرتۋ قاجەتتىگى تۋعاندىعىن ايتتى.

«وسى كەزگە دەيىنگى 1995 جىلعى زاڭدا اكتسيالار، بەيبىت شەرۋلەر دەگەننىڭ ەشبىر ءتۇرى، ءتۇسى دەگەن بولمايتىن. پيكەتكە شىقسا دا، باسقاعا شىقسا دا 100 ادام، 5000 ادام شىقسا دا بارلىعى بىردەي سيپاتتالاتىن. وسى ورايدا زاڭ شىعارۋ ورگاندارىنا بەرگەن ۇسىنىستا وسى ماسەلەنى ادەيى تىزدىك. ەكىنشى ماسەلە، قازىرگى جاڭا زاڭدا 250 ادام قاتىساتىن دۇنيەلەرگە ارنايى رۇقسات سۇراۋ قاجەت جوق. ءبىزدىڭ قازىرگى قوعامدىق ديسكۋسسيا، داۋ-دامايدىڭ ءبارى سول 1-2 ءسوزدىڭ اينالاسىندا تۇر. رۇقسات بەرۋ دەگەن سياقتى. نەگىزى بۇل زاڭدىق داۋ ەمەس، ساياسي داۋ سياقتى»، - دەدى ول.

ساياساتتانۋشى جاڭا زاڭدا بەيبىت شەرۋلەرگە قاتىستى ۇيىمداستىرۋشىلاردىڭ، قاتىسۋشىلاردىڭ مىندەتتەرى مەن قۇقىقتارى ايقىندالا تۇسكەنىن ايتتى.

«زاڭدى تالقىلاعان كەزدە قر ءىىم، جەرگىلىكتى ماسليحاتتاردىڭ تاعى باسقا ورگانداردىڭ جۇمىسى رەتتەلۋى ءتيىس. بولاشاقتا ميتينگ ۇيىمداستىرۋ ۇيرەنشىكتى نارسەگە اينالادى. «ويباي، اناۋ ميتينگ وتكىزىپتى» دەپ تاڭ قالمايتىن بولامىز، ويتكەنى ونى ەكىنىڭ ءبىرى وتكىزەتىن بولادى»، - دەدى ول.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541