الماتى اكىمى باقىتجان ساعىنتاەۆ قالا تۇرعىندارىنا ەسەپ بەرىپ جاتىر. قالا تۇرعىندارىنىڭ الدىنداعى ەسەپتىك كەزدەسۋ العاش رەت 3200 ورىنعا ەسەپتەلگەن كوپسالالى ورتالىقتا وتۋدە.

وسىلايشا مەگاپوليستىڭ بارلىق تۇرعىندارى اكىمنىڭ ەسەپ بەرۋ كەزدەسۋىنە قاتىسىپ، ءوز سۇراقتارىنا جاۋاپ الۋعا مۇمكىندىك الدى. كەزدەسۋ باستالعانعا دەيىن قالا اكىمىنىڭ ورىنباسارلارى، اۋدان اكىمدەرى، باسقارما باسشىلارى مەن قالالىق ءماسليحات دەپۋتاتتارى ازاماتتاردى قابىلدادى. قابىلداۋ ەسەپتىك كەزدەسۋدەن كەيىن دە جالعاسپاق.

الماتىنىڭ 2019 جىلعى الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى بەينەروليكتە كورسەتىلدى.

2019 جىلدىڭ 9 ايىندا ءجاو 4,8%-عا وستى. وتكەن جىلى الماتىدا 47 مىڭنان استام جۇمىس ورنى قۇرىلدى. قۇنى 96 ملرد. تەڭگە بولاتىن جاڭا 88 بيزنەس نىسانى اشىلدى.

ونەركاسىپ – 4,5%-عا، پايدالانۋعا بەرىلگەن تۇرعىن ءۇي – 4,8%، قۇرىلىس – 3,4%، بولشەك ساۋدا – 12,1%-عا ءوستى.

500 شاقىرىمنان استام ينجەنەرلىك جەلىلەر سالىندى. 73 شاقىرىم جول قۇرىلىسى اياقتالىپ، 47 شاقىرىم سۋارۋ ارىقتارى قايتا جوندەۋدەن ءوتتى. 300 مىڭ تۇرعىندى قامتيتىن 670-تەن استام اۋلا جوندەۋدەن ءوتىپ، ەكىدەن استامى ەنگىزىلدى. قالانى اباتتاندىرۋدى قامتاماسىز ەتۋ ماقساتىندا 320-دان استام كوشەنى جارىقتاندىرۋ، 287 شاقىرىم سۋ جانە كارىز, 150 شاقىرىم ەلەكتر، 20 شاقىرىم جىلۋ جەلىسى جانە 130 شاقىرىم گاز جۇرگىزۋ بويىنشا جۇمىستار اتقارىلدى.

جالپى 47 شاقىرىم ارىق جوندەلىپ، 670-تەن استام اۋلا سالىندى. 2,1 ملن. شارشى مەتر تۇرعىن ءۇي پايدالانۋعا بەرىلدى.

بۇگىنگى ەسەپ بەرۋ كەزدەسۋى الماتى قالاسىنىڭ اكىمى باقىتجان ساعىنتاەۆتىڭ مەملەكەت باسشىسى ك.-ج. توقاەۆتىڭ "تىڭدايتىن مەملەكەت" قاعيداتىنىڭ جالعاسى رەتىندە جۇرگىزىلىپ وتىر.

باقىتجان ساعىنتاەۆ قالا اكىمى لاۋازىمىنا تاعايىندالعان ساتتەن باستاپ ءار اۋدان تۇرعىندارىمەن ەكى رەتتەن كەزدەسۋ وتكىزدى.

تامىز ايىندا بارلىق اۋدانداردا وتكەن كەزدەسۋلەردىڭ ءبىرىنشى تسيكلى كەزىندە 3,5 مىڭنان استام قالا تۇرعىنى قاتىستى. 880-گە جۋىق سۇراق قويىلدى. سونىڭ 123-ىنە كەزدەسۋ بارىسىندا تىكەلەي تۇسىنىكتەمە بەرىلدى. ءىس جۇزىندە ءارى ۇيىمداستىرۋ شارالارىن قابىلداۋدى تالاپ ەتەتىن 756 ماسەلە بويىنشا ءاربىر اۋداندا ءىس-شارالار جوسپارى قۇرىلدى. ولاردىڭ ورىندالۋ ناتيجەسى بويىنشا تۇرعىندار ماسەلەسىنىڭ 40%-عا جۋىعى قاناعاتتاندىرىلدى, 40%-دان استامىنا تۇسىنىكتەمە بەرىلدى. كوتەرىلگەن ماسەلەلەردىڭ 20%-ىن شەشۋ ءۇشىن ۋاقىت قاجەت. ويتكەنى سۋمەن جابدىقتاۋ، جولداردى جوندەۋ، اباتتاندىرۋ، پروبلەمالى جەر ۋچاسكەلەرىن رەسىمدەۋ جۇمىستارىن جۇرگىزۋ قاجەت.

22 قاراشادان الماتى قالاسىنىڭ اكىمى ب. ساعىنتاەۆتىڭ بارلىق سەگىز اۋداننىڭ تۇرعىندارىمەن كەزدەسۋىنىڭ ەكىنشى كەزەڭى باستالدى. وعان شامامەن قالا تۇرعىندارىنىڭ 3,8 مىڭى قىتىستى. شامامەن 460 الماتىلىقتان 785-تەن استام سۇراق قويىلدى. كەزدەسۋ قورىتىندىسى بويىنشا كوتەرىلگەن ماسەلەلەردى شەشۋ ءۇشىن ءىس-شارالار جوسپارى بەكىتىلەدى.

اباتتاندىرۋعا، كوممۋنالدىق جانە ينجەنەرلىك ينفراقۇرىلىمعا قاتىستى وتىنىشتەر شەشىمىن تاپتى.

قالا تۇرعىندارىنىڭ وتىنىشتەرىنىڭ ارقاسىندا قالالىق بيۋدجەتىنىڭ باپتارى قايتا قارالدى

اتاپ ايتقاندا، قاراجات سىرتقى جارىقتاندىرۋ جەلىلەرىن سالۋعا باعىتتالدى. بۇل جۇمىستى كەلەسى جىلى اياقتاۋ جوسپارلانىپ وتىر. سونداي-اق تاياۋداعى ەكى جىلدا قوسىلعان ىقشاماۋدانداردىڭ تۇرعىندارىن تازا اۋىز سۋمەن قامتاماسىز ەتۋ جۇمىستارىن اياقتاۋ، جۇزدەگەن شاقىرىم جاڭا جولدار سالۋ، اۋلالاردى اباتتاندىرۋ مىندەتى قويىلدى.

Abai.kz