كونستيتۋتسيالىق قۇقىعىن پايدالانعىسى كەلەتىن ازاماتتاردى پروكۋراتۋراعا شاقىرىپ، جۇمىستان شىعارىپ، اسكەرگە جىبەرىپ، 10 كۇنگە قاماپ "ۇساقتالۋدىڭ" نە كەرەگى بار؟!

بيلىككە الجير، كارلاگ، دالني، ستەپنوي، پەسچانىي، كامىشلاگ، اكتيۋبينسكي، دجەزكازگانلاگ، پەتروپاۆلوۆسكي، كينگير جانە ۋست-كامەنوگورسكي سەكىلدى قازاقستان تەرريتورياسىندا بولعان 11 كونتسلاگەردى جاڭعىرتۋدى ۇسىنامىن.

ازاماتتاردى سوتتاپ سۋديالاردىڭ ۋاقىتىن الماس ءۇشىن لاگەرگە بىردەن "جولداما" بەرەتىن "مىسلەپرەستۋپلەنيە" دەگەن باپتى ويلاپ تاۋىپ، تەز ارادا قر قىلمىستىق كودەكسىنە ەنگىزۋ قاجەت. ەڭ باستىسى، كونتسلاگەرلەردى جاڭعىرتۋ ارقىلى بيلىككە ءبىر وقپەن ەكى قوياندى اتۋعا بولادى. كونتسلاگەرلەردى، ەڭ الدىمەن، "دەموكراتيا ارالدارى" دەپ اتاۋ ارقىلى رەبرەندينگ جۇرگىزۋ كەرەك. وسى تاكتيكانىڭ ارقاسىندا الەمدىك قاۋىمداستىققا قازاقستان دەموكراتيالىق قۇندىلىقتاردى سۇيگىش ازاماتتاردىڭ باسىن ءبىر جەرگە قوسىپ، دەموكراتيانى 11 ايماقتا اپروباتسيادان وتكىزىپ جاتىر دەپ ادەمى كورسەتۋگە بولادى.

ەكىنشىدەن، بىلتىر پرەزيدەنت سايلاۋىنان كەيىنگى ميتينگىلەردە ۇستالعان ساياسي بەلسەندىلەردى قامايتىن ورىن تابىلماي، ازاماتتار جازاسىن وتەۋ ءۇشىن كەزەككە تۇرۋعا، باسقا قالانىڭ يزولياتورىنا بارۋعا ءماجبۇر بولىپ، ەل-جۇرتتان وتە قاتتى "ۇيات" بولعان.

كونتسلاگەرلەر يزولياتورلارداعى ورىن تاپشىلىعى ماسەلەسىن شەشىپ قانا قويماي، بيلىك ىشكى اۋديتورياعا (قازاقستاندىقتارعا) كەز كەلگەن جاعدايدا، ءتىپتى وزىنە ساياسي قارسىلىق تانىتقان كەزدە دە، ازاماتتاردى دالادا قالدىرمايتىنىن، ولارعا اركەز قامقورلىعىنا الۋعا دايىن ەكەنىن تانىتادى.

سوندىقتان بۇل ۇسىنىستى قازىرگى ساياسي رەجيمنىڭ ارحيتەكتورى جانە بارلىق نۇر-سۇلتاندىق اتقامىنەرلەر، پرەزيدەنتتىڭ "مەملەكەتشىل" كەڭەسشىسى مەن "مەملەكەتشىل" كارى/جاس ساياساتتانۋشىلار ەكى قولداپ، ء"تورت اياقتاپ" قولدايدى دەپ سەنەمىن.

شالقار نۇرسەيىتوۆتىڭ الەۋمەتتىك جەلىدەگى جازباسىنان

Abai.kz