سەنبى, 4 ءساۋىر 2020
COVID-19 قازاقستاندا. جۇقتىرعاندار — 525. جازىلعاندار — 36. قايتىس بولعاندار — 5
583 0 پىكىر 21 اقپان, 2020 ساعات 11:35

قايرات راحىموۆ قر ەنەرگەتيكا ۆيتسە-ءمينيسترى بولىپ تاعايىندالدى

قر ۇكىمەتىنىڭ 2020 جىلعى 21 اقپانداعى قاۋلىسىمەن قايرات بولاتۇلى راحىموۆ قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى لاۋازىمىنا تاعايىندالدى. بۇل تۋرالى primeminister.kz سايتى حابارلادى.

قايرات راحىموۆ 1985 جىلى قاراعاندى وبلىسى، تەمىرتاۋ قالاسىندا دۇنيەگە كەلگەن.

قاراعاندى مەملەكەتتىك تەحنيكالىق ۋنيۆەرسيتەتىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن جانە سەۋل ۇلتتىق ۋنيۆەرسيتەتىن تامامداعان.

ەڭبەك جولىن 2006 جىلى قاراعاندى قالاسىندا «قاراعاندى-جارىق» جشس-دا ەلەكترومونتەر بولىپ باستاعان.

2007-2015 جىلدارى قر ەنەرگەتيكا مينيسترلىگىندە جانە تابيعي مونوپوليالاردى رەتتەۋ اگەنتتىگىندە ساراپشى، باس ساراپشى، باسقارما باسشىسى لاۋازىمدارىن اتقارعان.

2015-2018 جىلدارى — قر ەنەرگەتيكا مينيسترلىگى ەلەكتر ەنەرگەتيكاسى جانە كومىر ونەركاسىبى دەپارتامەنتى ديرەكتورىنىڭ ورىنباسارى.

2018 جىلعى شىلدەدەن باستاپ قازىرگى تاڭعا دەيىن قر ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتىنىڭ ديرەكتورى قىزمەتىن اتقاردى.

Abai.kz

0 پىكىر