بەيسەنبى, 2 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 1715 6 پىكىر 24 اقپان, 2020 ساعات 11:10

"شىندىقتان ەشقايدا قاشىپ قۇتىلا المايسىڭ"

جازۋشى سافۋان شايمەردەنوۆتىڭ وي-تولعامىنان:

ءوز زامانىنان ۇلتتىق سانادان وزىق تۋعان ابايعا، بىرجانعا، اقانعا، احمەتكە، جۇسىپبەككە، ماعجانعا نە كورسەتپەدى بۇل قازاق. "حالقىم نادان بولعان سوڭ، قايدا بارىپ وڭايىن", – دەپ اباي زارلاپ وتكەن جوق پا؟ بۇل زيالىلاردىڭ دا، حالىقتىڭ دا تراگەدياسى.

حالقىمىز ەكى جاقتى ەزگىدە بولدى. روسسيانىڭ ەكى باستى سامۇرىعى شەڭگەلىمەن ءبىر جاعىنان سىعىمداسا، ەكىنشى جاعىنان ۇلت-ازاتتىق كوتەرىلىسىمىزدى ءوز ىشىمىزدەگى "بەسىنشى كولوننا" تۇنشىقتىردى. ال 37-جىلعى زوبالاڭدا باسقانى بىلاي قويعاندا، رۋشىلدىقتىڭ، مانساپقورلىقتىڭ ءىزى سايراپ جاتىر.

مەن، ماسەلەن، ساكەننىڭ جولداسى گۇلباھرام، بەيىمبەتتىڭ جولداسى كۇلجامال، ءىلياستىڭ جولداسى فاتيما اپالارمەن اڭگىمەلەسكەن اداممىن. ۇشەۋىن دە كۇيەۋلەرى ۇستالعاننان كەيىن ۇيلەرىنەن قۋىپ شىققان ءبىر-اق ادام – قازىرگى اكادەميك.

1961 جىلى جازۋشىلار وداعىندا بولعان جينالىستا گۇلباھرام دا، فاتيما دا وسىنى ءدۇيىم جۇرتتىڭ كوزىنشە ايتقان. شىندىقتان ەشقايدا قاشىپ قۇتىلا المايسىڭ، ودان جاسىرىنا دا المايسىڭ. ەڭ ابزالى – ارىڭ تازا بولسىن.

اسەت اقمولدانىڭ الەۋمەتتىك جەلىدەگى جازباسىنان

Abai.kz

6 پىكىر