قوردايداعى جاعدايدىڭ ءتۇپ - تامىرى الەۋمەتتىك ادىلەتتىلىكتىڭ جەتىسپەۋشىلىگى مەن حۇقىق قورعاۋ ورگاندارىنىڭ جۇمىسىنىڭ شالالىعى.

ءبىر عانا مىسال كەلتىرۋگە بولادى.

وسىدان ەكى جىل بۇرىن قاراكەمەردىڭ 8 جاس جەتكىنشەگى قوردايدان سپورت جارىسىنان قايتىپ كەلە جاتىپ، جولدا باسقا ۇلت وكىلدەرىمەن ۇستاسىپ قالادى. ءبىزدىڭ قانداستارىمىزدىڭ ماشيناسىنىڭ ايناسىن قاعىپ كەتەدى، ءبىر بالانىڭ اياعىن ماشينامەن باسىپ وتەدى. سونان كەيىن ەكى جاق شەكىسەدى، قاراكەمەرلىكتەر سان جاعىنان از بولعاندىقتان، ءبىراز وپىق جەيدى.
بۇل ەندى، اۋىلداعى قالىپتى جاعداي، بالا كەزىمىزدە وزىمىزدە تالاي تاياق جەدىك. ەشقانداي ۇلتارالىق ماسەلە جوق دەۋگە بولادى.

بىراق، بۇل ماسەلەنى قۇقىق قورعاۋ ورىندارى قالاي شەشەدى؟ گاپ وسىندا.

جامبىل وبلىستىق ءىىب، قورداي اۋداندىق پروكۋراتۋراسىنان وكىلدەر كەلىپ، ەكى جاقتى ىمىرالاسۋعا شاقىرادى. قاراكەمەردىڭ اقساقالدارى اقىلداسا وتىرىپ، قاراكوز بالالارعا، ء"ىستى ناسىرعا شاپتىرماي، دوستاسۋعا بارىڭدار" دەپ بالالاردان، "ەشقانداي تالابىم جوق ارىز" دەگەن ارىز الدىرتىپ الادى. جەرگىلىكتى پروكۋراتۋرا وكىلدەرى "ەكى جاقتى تاتۋلاستىرامىز" دەپ مالىمدەمە جاساپ، كەتىپ قالادى.

قىزىقتىڭ كوكەسى ءبىر جىلدان كەيىن باستالادى. 8- قازاق بالاسىنىڭ ەكەۋى الماتىداعى فيزكۋلتۋرا جانە سپورت ينستيتۋتىن ءبىتىرىپ كەلىپ، جەرگىلىكتى مەكتەپكە جۇمىسقا تۇرادى. تاعى ءبىر- ەكى بالا اسكەرگە قامدالادى. سويتسە، قورداي پروكۋراتۋراسى  وسى ورىمدەي، ءسۇپ- سۇيكىمدى بالالاردى سىرتىنان قىلمىستىق كودەكستىڭ 107-بابىنا سايكەس كىنالى دەپ تاۋىپ، شەشىم شىعارىپ قويعان!

بۇل بالالار نە جۇمىسقا تۇرا المايدى، نە ارمياعا بارا المايدى! قىزىل كارتوچكاعا ىلىككەن! وتە بيازى، مادەنيەتتى، تاربيەلى بالالار! ولاردان ەشقانداي بۇزاقىلىقتىڭ نىشانىن كورمەدىك، ءبىز!

ەندى، ءبىز ۇلتتىق كەڭەستىڭ مۇشەلەرى رەتىندە، وسى ماسەلەنى قايتا قاراۋ جونىندە باس پروكۋراتۋراعا جۇگىنۋگە شەشىم قابىلدادىق.

قازىر ءتيىستى قۇجاتتاردى دايىنداپ جاتىرمىز.

مىنە، وسىنداي جەكەلەگەن ادىلەتسىزدىك، ادامنىڭ تاعدىرىنا نەمقۇرايلى قاراۋ ادامنىڭ جۇيكەسىن شارشاتاتىندىعى انىق.

وسىنداي ادىلەتسىزدىكتى جويۋ باستى مىندەت!!!

ەرلان سايروۆتىڭ الەۋمەتتىك جەلىدەگى جازباسىنان

Abai.kz