ۋكراينانىڭ سىرتقى ىستەر ءمينيسترى ۆاديم پريستايكو «ۋكراينا 24» تەلەارناسىنا بەرگەن سۇحباتىندا كيەۆتىڭ جەڭىس كۇنىن تويلاۋدان باس تارتقانىن مالىمدەدى.

ديپلوماتتان 9 مامىردا ماسكەۋدەن رەسمي مەرەكەلەرگە شاقىرۋ السا، كيەۆتىڭ نە ىستەيتىنى سۇرالدى.

«ءبىزدىڭ ۇستانىمىمىز قازىر سول قالپىندا قالادى: جوق، ءبىز 9 مامىردى تويلامايمىز. ءبىز، بۇكىل ەۋروپا كونتينەنتى سياقتى، 75 جىلدان كەيىن دە وسى قايعىلى جاعدايدىڭ نە ءۇشىن بولعانىن تۇسىنۋگە دايىنبىز جانە ءبىز ءبىر-ءبىرىمىزدى كەشىرۋگە دايىنبىز. ءبىز مەرەكە ءدال وسى باعىتتا ءوتۋى كەرەك دەپ سانايمىز»، - دەدى ۋكراينانىڭ ءمينيسترى.

2015 جىلدان باستاپ، ۋكراينا 8 مامىردا بەلگىلەنگەن ەسكە الۋ جانە كەلىسىم كۇنىن اتاپ وتەدى. سونىمەن قاتار، ەلدە كەڭەستىك رامىزدەردى ناسيحاتتاۋعا تىيىم سالاتىن زاڭ بار جانە گەورگي لەنتاسىن كيگەنى ءۇشىن ايىپپۇل سالىنادى.

ۋكراينانىڭ 9 مامىرعا دەگەن مۇنداي كوزقاراس ۇستانۋىنا دونباسس پەن قىرىمداعى قايعىلى وقيعالاردىڭ دا اسەرى بار. بىراق ولار 9 مامىردى بەس جىلدان بەرى مەرەكە رەتىندە ەمەس، سوعىس قۇرباندارىن ەسكە الۋ كۇنى رەتىندە ۇلىقتاپ كەلەدى. 

كەرىمسال جۇباتقانوۆ

Abai.kz