زيالى، مادەنيەتتى ادامنىڭ ءوزى دە كوپكە جۇعىمدى، ءسوزى دە سىپايى بوپ كەلەدى ەكەن عوي. مەملەكەت باسشىسىن ايتامىن دا...

قوردايعا بارعان ساپارىندا پرەزيدەنت توقاەۆ دۇنگەن جاستارىن بايتاق قازاق جەرىنىڭ كەڭدىگىن سەزىنىپ، جاڭا كەلبەتىن تانۋعا شاقىردى. پرەزيدەنتتىڭ بۇل ءسوزىن ءوز باسىم ابدەن قولدايمىن.

وتكەندە ماسانشى اۋىلىنا بارعانىمدا بايقادىم، دۇنگەندەر ەكى ءۇش اۋىلعا تىعىز توپتاسىپ وتىر ەكەن. جانە وزدەرىن ورتادا وقشاۋ سەزىنەتىن سياقتى. مۇنداي وقشاۋلىق قانداي قاۋىمدى بولماسىن قوعامنىڭ، زاماننىڭ يگىلىگىنەن تىس ۇستاپ، شەتتەتە بەرەدى. قالا بەردى توڭىرەگىمەن قالىپتى قارىم قاتىناسقا جىبەرمەيدى. ايتپەسە، بىلاي، دۇنگەندەردىڭ تۇرمىسى جاقسى كورىندى. جىلىجايلار سالىپ تاستاعان. قۇنارلى جەرلەردى العان. بيىك، ءزاۋلىم ۇيلەر تۇرعىزعان. ءمىنىپ جۇرگەن كولىكتەرى دە جاڭا، ءساندى. تابيعي وسىمدەرى دە كىسى قىزىعارلىقتاي. ۇلكەندەر جاعى تەگىس قازاقشا بىلەدى. بىراق ورتا جاستاعىلار مەن كەيىنگى بۋىن قازاق تىلىنەن ماقۇرىم. ويتكەنى ولار ماسانشى مەن سورتوبەدە اشىلعان ورىس مەكتەپتەرىندە وقىعان.

وكىنىشكە قاراي، شيرەك عاسىر دۇنگەن اۋىلدارىنداعى احۋال باقىلاۋسىز بەتىنە كەتكەن. سونىڭ اقىرعى "ناتيجەسى" 7 اقپان وقيعاسىنا ۇلاستى. بىراق، ەشتەن كەش جاقسى.

دۇنگەندەر - جەر ەمگەن ەل. ديحانشى. ولاردىڭ ديحانشىلىعىن ورتاق ىسكە جاراتۋىمىز كەرەك. دۇنگەن جاستارى راسىمەن ەلىمىزدىڭ سولتۇستىك وبلىستارى مەن شىعىسىنا بارسىن، ديحانشىلىق كاسىپتەرىن دامىتسىن. بۇدان ارتىق مەملەكەت دۇنگەن دياسپوراسىنا نە ىستەۋ كەرەك؟ وسى مۇمكىندىكتى ولاردىڭ دۇرىس پايدالانعانى ابزال.

داۋرەن قۋاتتىڭ الەۋمەتتىك جەلىدەگى جازباسى

Abai.kz