"قازاق ءتىلى، ادەبيەتى تاريحى، تۇرىكتانۋ ماماندىعىن قۇرتۋ- ۇلتتى قۇرتۋمەن تەڭ. بۇل ەلدىگىمىزگە جاسالىپ وتىرعان شابۋىل! مەملەكەتىمىزگە تونگەن قاۋىپ. بۇل پاندەر جوعالسا، ۇلتتىق سانا جوعالادى. ۇلتتىق سانا جوعالسا، ۇلت جوعالادى. ارعى جاعى امەريكالىق ۇلت...

بۇعان دەيىن ءبىرسىپىرا تۇرىك جۇراعاتىن جۇتقان ستسەناري قازاققا دا جىلانشا جىلجىپ كەلەدى. شەكسپير سۇراعى: بار بولۋ، ءيا جوق بولۋ- قازاق ۇلتىنىڭ باسىنا دا ءتونىپ كەلەدى.

سىرت كۇشكە كەرەگى قازاق ەلى ەمەس، قازاق ۇلتى ەمەس، باعزىدان قازاق وتانىنا بالاعان- قازاق جەرى. قازاق جەرى قۇرىسا –قازاق ەلى ۇلتسىزدانادى، قۇريدى.
ۇلت قانسورپاسى قايناماسىن دەسەك، ۇلت ازاماتتارى، ءتىپتى، تىلىنە قاراماي ءتۇپ-تۇگەل ويانۋى كەرەك. ول از. باستاۋ تاريحى ءبىر، قانى ءبىر، تاعدىرى ۇقساس تۇرىك ۇلت ۇلىستارى ءتۇپ-تۇگەل ىنتىماق، بىرلىككە كەلۋى كەرەك."